بیگو سرائے: متھلا انسٹیٹیوٹ آف ٹیکنالوجی اینڈ میڈیکل سائنس کے ڈائریکٹر شاہد اطہر ایڈووکٹ نے کہا کہ بچے اور بچیاں ہمارے مستقبل کی بنیاد ہیں، اگر انہیں درست راہ پر نہ ڈالا گیا تو قوم، سماج اور ملک کی ترقی کا خواب ادھورا رہ جائے گا۔ انہوں نے تعلیمی ترقی پر زور دیتے ہوئے کہا کہ علم حاصل کرنا ہر فرد کے لیے لازمی ہے۔
وہ پنچویر رہبر کوچنگ سینٹر، ضلع بیگو سرائے میں مقامی طلبہ و طالبات اور عوام سے خطاب کر رہے تھے۔ انہوں نے دسویں اور بارہویں کے طلبہ کو پارامیڈیکل کے شعبے میں داخلہ لینے کا مشورہ دیتے ہوئے کہا کہ یہ ایک روشن مستقبل کی ضمانت دے سکتا ہے۔
پارامیڈیکل میں داخلہ لے کر مستقبل سنواریں
ایڈووکٹ شاہد اطہر نے تفصیلات بتاتے ہوئے کہا کہ دسویں اور بارہویں کے بعد طلبہ پارامیڈیکل سیکٹر میں اپنا کیریئر بنا سکتے ہیں۔ انہوں نے وضاحت کی کہ:
- میٹرک کے بعد تین سالہ ڈپلومہ کورس کیا جا سکتا ہے۔
- انٹر سائنس کے بعد دو سالہ ڈپلومہ یا تین سالہ بیچلر کورس میں داخلہ لیا جا سکتا ہے۔
- اس دوران طلبہ تعلیم کے ساتھ والدین اور سماج کی بھی خدمت کر سکتے ہیں۔
مزید معلومات کے لیے رابطہ کریں
انہوں نے بتایا کہ مزید تفصیلات کے لیے انسٹیٹیوٹ سے براہ راست یا درج ذیل نمبروں پر رابطہ کیا جا سکتا ہے:
6201716848, 7209148222, 9939330978
طلبہ و طالبات اخلاق و تعلیم پر توجہ دیں: مولانا افتخار قاسمی
اس موقع پر مسجد سمبھول بیگو سرائے کے امام مولانا افتخار قاسمی نے بھی خطاب کرتے ہوئے طلبہ پر زور دیا کہ وہ دینی اور دنیاوی تعلیم پر یکساں توجہ دیں۔ انہوں نے کہا کہ طلبہ قوم کا سرمایہ ہیں اور ان کے اخلاق و عادات سے ان کی تربیت کا اندازہ لگایا جاتا ہے۔
پروگرام کی نظامت اسکیل انڈیا بیگو سرائے کے ڈائریکٹر سید راشد اقبال نے کی۔ انہوں نے شاہد اطہر ایڈووکٹ کا پھولوں کے گلدستے، شال اور مومنٹو پیش کر کے استقبال کیا۔ اس موقع پر انہوں نے کہا کہ اگر طلبہ ان کی باتوں کو ذہن نشین کر لیں تو یہ نہ صرف ادارے بلکہ پورے علاقے کے لیے باعث فخر ہوگا۔
پروگرام سے قاری حفظ الرحمن (دارالعلوم عثمانیہ بیگو سرائے)، استاد محمد قاسم، محمد حسین اور قاری یاسر نے بھی خطاب کیا۔
یہ بات قابل ذکر ہے کہ محمد صابر رضا فیضی، جو اس وقت مسقط (سلطنت آف عمان) میں مقیم ہیں، اس سینٹر اور علاقے میں تعلیمی ترقی کے لیے مسلسل سرگرم رہتے ہیں۔
No comments:
Post a Comment