کیمیائی ہتھیار بنانے اور استعمال کرنے والے بعض ملکوں پر نظر رکھنے والے عالمی ادارے کے سربراہ کی ہفتے کے روز شام آمد ہوئی ہے۔ اس خطے میں کیمیائی ہتھیاروں کے استعمال کی شکایات سامنے آتی رہی ہیں۔ خانہ جنگی کے برسوں میں بشارالاسد نے دمشق کے مضافات میں غوطہ کے علاقے میں ان ہتھیاروں کا استعمال کیا تھا اور حالیہ اسرائیلی غزہ جنگ میں اسرائیل پر یہ الزام لگایا گیا ہے۔ جس سے امریکی حساس اداروں کے مطابق غوطہ میں 1000 کے قریب لوگ مارے گئے تھے۔
بشارالاسد کی اقتدار سے محرومی کے بعد کیمیائی ہتھیاروں کے عالمی ' واچ ڈاگ ' ادارے کے سربراہ کا شام کا یہ پہلا دورہ ہے۔ جہاں ان کی نئے شامی صدر احمد الشرع سے ملاقات ہوئی ہے۔
دس سال بعد شام میں کیمیائی ہتھیاروں کی تلفی کا عمل مکمل کر لیا گیا تھا۔ تاہم بشارالاسد کے مخالفین ان پر الزام لگاتے رہے ہیں کہ اب بھی شام میں کیمیائی ہتھیاروں کا ایک حصہ موجود ہے۔
بشارالاسد کے اقتدار کے خاتمے کے بعد بھی یہ واچ ڈاگ شام کو انہی نظروں سے دیکھتا ہے۔ شام کے ایوان صدر میں ہفتے کے روز 'فرنینڈو ایریاس' کے زیر قیادت وفد نے احمد الشرع سے ملاقات کی اور اپنی سرگرمیوں سے متعلق اہداف کا ذکر کیا۔
بین الاقوامی ادارے 'او پی سی ڈبلیو' کے وفد نے اس موقع پر اس خدشے کا اظہارکیا ہے کہ شام پر اسرائیل کے حالیہ شدید حملوں سے شام میں کیمیائی ہتھیاروں کے متعلق قیمتی شواہد تباہ ہو سکتے ہیں۔
بمباری کے ہدف میں شام کے کیمیائی ہتھیار شامل تھے۔ واضح رہے کئی سال پہلے عراق پر امریکہ نے بھی وسیع پیمانے پر تباہی پھیلانے والے ہتھیاروں کی تباہی کے لیے حملہ کیا تھا۔
No comments:
Post a Comment