بانکی پور اسمبلی سیٹ سے کانگریس کے مضبوط دعویدار ہیں ہیمنت چترویدی

پٹنہ/08 ستمبر : بہار اسمبلی انتخابات قریب آتے ہی سیاسی سرگرمیاں زوروں پر ہیں۔ تمام بڑی پارٹیاں اپنے اپنے امیدواروں کو میدان میں اتارنے کی تیاری میں مصروف ہیں۔ ایسے میں بانکی پور اسمبلی حلقے میں کانگریس کے بلاک صدر اور ممکنہ امیدوار ہیمنت چترویدی کو سب سے مضبوط دعویدار مانا جا رہا ہے۔

ہیمنت چترویدی کی سب سے بڑی طاقت ان کی عوامی مقبولیت اور زمینی سطح پر مضبوط گرفت ہے۔ علاقے کے عوامی مسائل کے حل کے لیے وہ ہمیشہ پیش پیش رہتے ہیں اور عوامی خدمت کو اپنی ترجیح مانتے ہیں۔ یہی وجہ ہے کہ مقامی لوگ انہیں اپنے درمیان ایک سچے خادم کی صورت میں دیکھتے ہیں۔

کانگریس کی پالیسیوں اور عوامی فلاحی اسکیموں کو گھر گھر پہنچانے میں بھی وہ مسلسل سرگرم ہیں۔ پارٹی کے اندر بھی ان کی لیڈرشپ اور تنظیمی صلاحیت کی کھلے دل سے تعریف کی جا رہی ہے۔

اگرچہ اس سیٹ پر کانگریس کی جانب سے کئی اور چہرے اپنی دعویداری پیش کر رہے ہیںمگر عوامی حمایت اور طویل سماجی خدمت کے سبب ہیمنت چترویدی کو سب سے آگے تصور کیا جا رہا ہے۔

ذرائع کے مطابق کانگریس ہائی کمان بھی ان پر نگاہ رکھے ہوئے ہے اور امکان ہے کہ آنے والے بہار اسمبلی انتخابات میں پارٹی کی بڑی امیدیں انہی سے وابستہ ہوں گی۔

ملک و ریاست کے باشندوں بالخصوص بانکی پور پٹنہ اسمبلی حلقہ کے لوگوںکو یوم آزادی کی دلی مبارکباد

 

بچوں کی جسمانی اور ذہنی نشوونما کے لیے ماں کا دودھ انتہائی ضروری : ڈاکٹر امان اللہ جمالی

گورنمنٹ طبی کالج اسپتال پٹنہ میں”ورلڈ بریسٹ فیڈنگ ویک 2025“آگاہی مہم کا دوسرا دن کامیابی سے اختتام پذیر

پٹنہ، پی جی اسکالر ڈاکٹر عبدللہ انصاری نے ایک پریس ریلیز میں کہا کہ ورلڈ بریسٹ فیڈنگ ویک ہر سال اگست کے پہلے ہفتے میں منایا جاتا ہے جس میں عالمی ادارہ صحت، یونیسیف، وزارت صحت اور دنیا بھر کی سول سوسائٹی کی حمایت حاصل ہے۔

آج بروز پیر 4 اگست کو ”ورلڈ بریسٹ فیڈنگ ویک 2025“ کے موقع پر 2 اگست سے 7 اگست تک آگاہی مہم کے لیے چلائے جانے والے پروگرام کے دوسرے دن کامیابی کے ساتھ منعقد کیا گیا۔ گورنمنٹ طبی کالج اینڈ ہاسپٹل، پٹنہ اپنا 99 واں تاسیسی سال منا رہا ہے جس کا افتتاح ریاست کے وزیر صحت جناب منگل پانڈے نے 30 جولائی 2025 کو کیا تھا۔ 99 ویں تاسیسی سال کے موقع پر سال بھر میں مختلف پروگرام منعقد کیے جائیں گے۔

پرنسپل پروفیسر محمد محفوظ الرحمن کی شرکت نے نہ صرف پروگرام کو وقار بخشا بلکہ ان کی رہنمائی اور حوصلہ افزائی نے تقریب کو مزید موثر اور نتیجہ خیز بنا دیا۔

شعبہ پیتھالوجی کے سربراہ ڈاکٹر محمد شمیم اختر کی محنت اور قیادت قابل ستائش تھی۔ ان کی رہنمائی اور نگرانی میں آج کی آگاہی مہم کامیابی سے مکمل ہوئی۔ انہوں نے پوری ٹیم کے ساتھ پوری لگن اور ذمہ داری کا مظاہرہ کیا جس کی وجہ سے اس پروگرام کو تعلیم اور معاشرے کے نقطہ نظر سے ایک کامیاب اور یادگار تقریب بنا۔

پروگرام میں ڈاکٹر امان اللہ جمالی نے ماں کے دودھ کے فوائد اور طبی اہمیت پر تفصیلی لیکچر دیا اور کہا کہ بچوں کی جسمانی اور ذہنی نشوونما کے لیے ماں کا دودھ بہت ضروری ہے۔ ماں کا دودھ پیدائش کے فوراً بعد شروع کر دینا چاہیے اور پہلے چھ ماہ تک صرف ماں کا دودھ پلایا جانا چاہیے۔ انہوں نے کہا کہ ماں کا دودھ نہ صرف قوت مدافعت بڑھاتا ہے بلکہ بیماریوں سے بچاو¿ کا موثر ذریعہ بھی ہے۔ انہوں نے لوگوں کو ماں کے دودھ کی کمی کے مسئلے کا حل بھی بتایا۔

تقریب میں میڈیکل آفیسرڈاکٹر محمد راغب حسین ، ڈاکٹر عبدالسلام فلاحی، ڈاکٹر شیلیش کمار پنکج، ڈاکٹر خصال احمد،اسسٹنٹ پروفیسر نجیب الرحمٰن ، اسسٹنٹ پروفیسر ڈاکٹر محمد تنویر عالم، اسسٹنٹ پروفیسر ڈاکٹر شفاعت کریم، پروفیسر توحید کبریا اور دیگر اساتذہ نے بھی شرکت کی۔ انہوں نے تنظیم سازی اور پروگرام کی کامیابی میں بھرپور تعاون کیا۔ اس موقع پر گورنمنٹ ٹبی کالج اینڈ ہسپتال پٹنہ کے طلباء اور دور دراز علاقوں کے مریضوں نے بھی بڑی تعداد میں شرکت کی۔

ایسوسی ایشن آف یونانی فیزیشین (اے یو پی) کے چمپارن چیپٹر کے قیام کے ساتھ تنظیم کی توسیع

 ڈاکٹر میٹ کے عنوان سے جیون جیوتی اسپتال، موتیہاری میں پروگرام کا انعقاد

موتیہاری:آج مورخہ 3 اگست 2025 بروز اتوار، ”ڈاکٹر میٹ“کے عنوان سے ایک پروگرام کا انعقاد جیون جیوتی اسپتال، موتیہاری میں کیا گیا، جس میں تنظیم کے جنرل سیکریٹری ڈاکٹر شفاعت کریم کے ساتھ تنظیم کے خازن ڈاکٹر عبداللہ انصاری، سیکریٹری (ایڈمن) ڈاکٹر خالد اقبال، اور سیکریٹری (لیگل) ڈاکٹر محمد مسرور حسن قاسمی نے شرکت کی۔اس پروگرام کی صدارت ڈاکٹر ایم یو اختر نے کی۔پروگرام کے کنوینر ڈاکٹر شاکر صبا نے خطاب کرتے ہوئے کہا کہ آج کی میٹنگ کا مقصد چمپارن میں ایسوسی ایشن آف یونانی فزیشین بہار کی ضلعی شاخ کا قیام ہے۔

ڈاکٹر فیصل پرواز خان نے پروگرام کی سرپرستی کی۔تنظیم کی توسیع کرتے ہوئے ڈاکٹر ایم یو اختر کو ضلعی صدر بنایا گیا۔ڈاکٹر امام الدین کو نائب صدر، ڈاکٹر شاکر صبا کو ضلعی سیکریٹری مقرر کیا گیا۔اس کے علاوہ ڈاکٹر امام کو خازن، ڈاکٹر مظفر حسین کو
مشترکہ سیکریٹری، اور ڈاکٹر امتیاز الحق، ڈاکٹر منظر الحق، ڈاکٹر گلریز قمر اور طارق ظفر کو ترجمان نامزد کیا گیا۔ڈاکٹر سعید الرحمٰن اور ڈاکٹر ریاض الدین نے بھی اجلاس سے خطاب کیا۔

ڈاکٹر عبداللہ ،ڈاکٹر ابوعبیدہ ،اس کے علاوہ مشرقی چمپارن کے بہت سے ڈاکٹر موجود تھے۔

گورنمنٹ طبی کالج پٹنہ میں بریسٹ فیڈنگ آگاہی ہفتہ کا انعقاد

 

پٹنہ،پی جی اسکالر ڈاکٹرمحمد ظفر اقبال نے پریس ریلیز کرتے ہوئے کہا کہ 29 جولائی 2026 کوگورنمنٹ طبی کالج پٹنہ اپنا سو سال مکمل کرنے جا رہا ہے۔اسی ضمن میں آج بروز سنیچر2اگست2025”بریسٹ فیڈنگ سے آگاہی پر بیداری مہم منعقد ہوا،جو اسی سو سالہ جشن کی ایک کڑی ہے۔

بریسٹ فیڈنگ آگاہی ہفتہ کے موقع پر گورنمنٹ طبی کالج پٹنہ میں شعبہ ماہیت الامراض کے زیر اہتمام 2 اگست سے 7 اگست تک ”بریسٹ فیڈنگ سے آگاہی بیداری مہم “ منعقد ہوا۔ اس موقع پر پرنسپل پروفیسرمحمد محفوظ الرحمٰن بنفسِ نفیس موجود رہے۔ ان کی شرکت نے نہ صرف پروگرام کو وقار بخشا بلکہ ان کی رہنمائی اور حوصلہ افزائی نے اس تقریب کو مزید موثر اور نتیجہ خیز بنایا۔ 

اس بیداری مہم کے تعلق سے شعبہ ماہیت الامراض کے صدر ڈاکٹر محمد شمیم اختر کی محنت اور قیادت قابلِ ستائش رہی۔ ان کے زیر نگرانی اور رہنمائی میں یہ بیداری مہم نہایت کامیابی کے ساتھ منعقد ہوا۔ انہوں نے پوری ٹیم کے ساتھ بھرپور لگن اور ذمہ داری کا مظاہرہ کیا، جس سے اس پروگرام کو تعلیمی و سماجی اعتبار سے ایک کامیاب اور یادگار تقریب بنایا گیا۔

پروگرام میں ڈاکٹر سکینہ بانونے ماں کے دودھ کی افادیت اور طبی اہمیت پر سیر حاصل لیکچر دیا اور بتایا کہ بریسٹ فیڈنگ بچوں کی جسمانی اور ذہنی نشوونما کے لیے ناگزیر ہے، پیدائش کے فوراً بعد دودھ پلانا چاہیے اور پہلے چھ ماہ تک صرف ماں کا دودھ دینا ضروری ہے۔ انہوں نے کہا کہ ماں کا دودھ نہ صرف قوت مدافعت کو بڑھاتا ہے بلکہ بیماریوں سے بچاو¿ کا بھی مو¿ثر ذریعہ ہے۔مزید انہوں نے بتایا کہ ایڈس، ٹی بی جیسے امراض میں میں بچوں کو دودھ نہیں پلانا ہے، یا ڈاکٹر سے مشورہ کرنا ہے۔

اس بیداری مہم میں میڈیکل آفیسرڈاکٹر شیلش کمار پنکج، ڈاکٹر خصال احمد، ڈاکٹر جمال اختر، پروفیسرتوحید کبریا ،ڈاکٹر عبدالسلام فلاحی،ڈاکٹر طلعت ناہیداور دیگر اساتذہ بھی شریک ہوئے۔ انہوں نے پروگرام کے انعقاد اور کامیابی میں بھرپور تعاون کیا۔ اس موقع پر گورنمنٹ طبی کالج و اسپتال پٹنہ کے طلبہ و طالبات اور دور دراز سے آئے مریضوں کی بڑی تعداد نے شرکت کی۔

بریسٹ فیڈنگ آگاہی گورنمنٹ طبی کالج پٹنہ کی ایک کامیاب علمی و سماجی کاوش ثابت ہوگا، جس نے ماں کے دودھ کی اہمیت کو اجاگر کرنے اور طلبہ و عوام میں شعور بیدار کرنے میں اہم کردار ادا کریگا۔

طب یونانی اور دیگر روایتی طریقہ علاج کے فروغ کیلئے بہار حکومت پرعزم: منگل پانڈے

گورنمنٹ طبی کالج پٹنہ کا 99واں یومِ تاسیس جوش خروش کے ساتھ منایا گیا

پٹنہ، 30جولائی:بہار کے وزیر صحت منگل پانڈے نے کہا ہے کہ ”آیوش کے تحت طب یونانی، آیوروید، ہومیوپیتھی اور دیگر روایتی طریقہ علاج کے فروغ کیلئے بہار حکومت پرعزم ہے۔ 

وہ آج گورنمنٹ طبی کالج پٹنہ کے 99ویں یومِ تاسیس کے موقع پر ایک شاندار تقریب سے خطاب کر رہے تھے۔ انہوں نے کہا کہ، ”کالج کی نئی عمارت کی تعمیر نالندہ میڈیکل کالج اسپتال کیمپس میں 64 2کروڑ روپے کی لاگت سے جاری ہے، اور اگلے دو سال میں مکمل ہو جائے گی۔ ہم پی جی اور یو جی کی نشستوں میں اضافہ کے لیے بھی کام کر رہے ہیں تاکہ یہ ادارہ ملک کا بہترین طبی ادارہ بنے۔“

 وزیر صحت مسٹر منگل پانڈے نے کہا ہے کہ ”وزیر اعظم نریندر مودی نے 2014 میں اقتدار سنبھالنے کے بعد طب یونانی سمیت تمام روایتی طریقہ علاج کو قومی سطح پر عزت دلانے کی سمت مضبوط قدم اٹھائے ہیں۔ ایلوپیتھی کے ساتھ یونانی، آیوروید، سدھی، ہومیوپیتھی اور یوگا کو مساوی اہمیت دی جا رہی ہے۔

انہوں نے اس موقع پر کالج کے لیے نئی ایمبولینس بھی فراہم کی، جو تقریب کے دوران ہی کالج انتظامیہ کے حوالے کر دی گئی۔

اس موقع پر صد سالہ جشن کے لیے ایک سالہ تقریباتی خاکہ بھی وزیر صحت کے ہاتھوں جاری کیا گیا، جس کے تحت ہر ماہ الگ الگ پروگرام منعقد ہوں گے۔

تقریب کی صدارت کرتے ہوئے کالج کے پرنسپل پروفیسر ڈاکٹر محفوظ الرحمٰن نے کہا،”یہ کالج ایک تاریخی وراثت ہے، جس کی بنیاد ڈاکٹر احمد عبدالحی کے نانا جان اور دیگر بزرگوں نے حکیم اجمل خاں اور سر گنیش دت جیسے عظیم شخصیات کی سرپرستی میں رکھی تھی۔ ہم خوش نصیب ہیں کہ ان کی نسل آج بھی ہمارے درمیان موجود ہے۔

اس موقع پر کالج کے پرنسپل ڈاکٹر محفوظ الرحمن نے کہاکہ 15 عہدے پروفیسر ، 19 عہدے ریڈر اور پری طب کے8 عہدے خالی ہیں جسے طلباءکے بہتر مستقبل کیلئے پر کیاجانا ضروری ہے ۔وہیں غیر تدریسی عملے کے قریب 39 عہدے منظور ہیں جن میں ابھی صرف چار افراد ہی کام کر رہے ہیں اور ہمیں قریب پچاس لوگوں کی اشد ضرورت ہے ۔ اس پر وزیر نے انہیں یقین دہانی کرائی کہ ان عہدوں پر جلد ہی بحالی کی جائے گی ۔ 

 وزیر نے کہاکہ 15 لیکچرر کے عہدوں کا اشتہار پی ایس سی کے ذریعہ شائع کر دیا گیا ہے اس پر بحالی جلد ہوگی اوردیگرتدریسی عہدوںکو فی الحال معاہدے کی بنیاد پر پر کرنے کی بات کہی ۔ اور غیر تدریسی عملوں کو آﺅٹ سورسسنگ کے ذریعہ بحال کرنے کی بات کہی ۔ 

ڈاکٹر محفوظ الرحمن نے مزید کہا، ”آج ہم صرف یوم تاسیس نہیں منا رہے بلکہ صدی تقریبات کی شروعات بھی کر رہے ہیں۔ ہم امید کرتے ہیں کہ میڈیا اور عوام کالج کی کمیوں اور ضروریات کو حکومت تک دیانتداری سے پہنچائیں گے تاکہ ہم ترقی کے اگلے مرحلے میں داخل ہو سکیں۔

اس موقع پر پارس اسپتال کے ڈائریکٹر ڈاکٹر احمد عبدالحی، بی پی ایس سی کے سابق چیئر مین امتیاز کریمی، مولانا شبلی القاسمی ناظم امارت شرعیہ، کالج سپرنٹنڈنٹ ڈاکٹر شاہنواز سمیت کئی دیگر معزز شخصیات نے بھی خطاب کیا اور ادارے کی خدمات کو سراہا۔

تقریب میں آیوروید کالج کے پرنسپل، آیوش ڈائریکٹر، میڈیا نمائندگان، کالج کے اساتذہ، سابقہ طلبہ اور دیگر معزز مہمانوں نے شرکت کی۔ اس موقع پر ڈاکٹر شفاعت کریم نے سال بھر کے پروگرام کا تفصیلی منصوبہ پیش کیا، اور تقریب کا آغاز مصباح الدین کریم کی تلاوتِ قرآن پاک سے ہوا، جب کہ نظامت کے فرائض امین عبداللہ نے انجام دیے۔

ذات پرمبنی مردم شماری صرف ایک شروعات ہے، پکچر ابھی باقی ہے: تیجسوی

پٹنہ، 02 مئی:بہار اسمبلی میں اپوزیشن لیڈر اور راشٹریہ جنتا دل (آر جے ڈی) کے سینئر لیڈر تیجسوی پرساد یادو نے ذات پر مبنی مردم شماری کو لے کر مرکز کی نریندر مودی حکومت اور بھارتیہ جنتا پارٹی (بی جے پی) پر حملہ کرتے ہوئے کہا کہ یہ توصرف ایک شروعات ہے، پکچر ابھی باقی ہے۔

ذات پر مبنی مردم شماری کا کریڈٹ خود لیتے ہوئے مسٹر یادو نے ایکس پر پوسٹ کیا، ”ذات پر مبنی مردم شماری صرف ایک شروعات ہے، پکچر ابھی باقی ہے۔“ انہوں نے کہا کہ پسماندہ اور انتہائی پسماندہ طبقات کے لیے مخصوص انتخابی حلقے بنائے جائیں گے۔ پرائیویٹ سیکٹر میں ریزرویشن کا انتظام کیا جائے گا۔ٹھیکداری میں ریزرویشن دیا جائے گا۔ اس کے ساتھ ساتھ عدلیہ میں بھی ریزرویشن کا انتظام کیا جائے گا۔ منڈل کمیشن کی بقیہ سفارشات کو نافذ کیا جائے گا۔ ذات پر مبنی مردم شماری کی رپورٹ کی بنیاد پر آبادی کے تناسب سے ریزرویشن کا انتظام ہوگا۔ بہار کو خصوصی ریاست کا درجہ دلایاجائے گا اور ریاست کو خصوصی پیکیج دلایا جائے گا۔

بی جے پی اور راشٹریہ سویم سیوک سنگھ (آر ایس ایس) پر حملہ کرتے ہوئے اپوزیشن لیڈر نے لکھا کہ ” اعلیٰ ذہنیت کے مساوات مخالف تنگ نظر سنگھی بی جے پی والے اس پر بھی ہمیں گالی دیںگے لیکن بعد میں ہمارے ہی ایجنڈے کو اپنا ماسٹر اسٹروک کہیںگے ، کتنے کھوکھلے لوگ ہیں یہ ۔“

ایس ایم اشرف فرید و ایس ایم جاوید اقبال کو میری دلی مبارک باد ایڈووکٹ شاہد اطہر

 دربھنگہ :- قابل ہونہار تعلیمی لیاقت و سماجی ملی مسائل کو حل کرنے کی فکر رکھنے والے بڑے بھائی محترم جناب ایس ایم اشرف فرید صاحب قومی تنظیم مدیر آعلی و اردو ایکشن کمیٹی کو شفیع مسلم ہائی اسکول بورڈ اف ٹرسٹی کے ممبر اور میرے استاد محترم جناب ایس ایم جاوید اقبال صاحب کو بورڈ اف ٹرسٹی کا کارگزار چیئرمین بنائے جانے پہ میری طرف سے بہت بہت مبارک باد ہےـ اپنی دلی مسرت کا اظہار کرتے ہوئے متھیلانچل کے مشہور سماجی و تعلیمی خدمت گار ایڈوکیٹ شاہد اطہر ڈائریکٹر متھلا انسٹیوٹ اف ٹیکنالوجی اینڈ میڈیکل سائنس نے جاری پریس ریلیز میں کہیں-  معلوم ہو کہ دونوں حضرات ضلع و صوبائی سطح پہ کئی تنظیم میں عہدے پہ فائض ہو کر سماج و قوم کی خدمت کرتے آ رہے ہیں- ایڈوکیٹ شاہد اطہر نے کہا کہ چونکہ گارجین جناب ڈاکٹر اجیرالحق صاحب کافی عرصہ سے علیل ہیں- جس کی وجہ کر کار گزار چیئرمین کی سخت ضرورت تھی جس کو استاد محترم کے کارگزار چیئرمین بنائے جانے سے اس کمی کو پوری کر دی گئی ہے- ایڈووکیٹ شاہد اطہر نے آگے کہا کہ ان دونوں حضرات کا تجربے سے ادارہ اور ٹرسٹ کو چلانے میں مستحکم طاقت ملے گی وکافی ترقی بھی ملے گی

عید ملن اور پٹنہ ریلی کے حوالے سے گفتگو: شاہد اطہر

 

دربھنگہ: عید ملن کے موقع پر نگر جن سوراج کے جنرل سکریٹری شوکت صاحب کے ساتھ پارٹی کے لیڈروں علی اکبر اور اسلم صاحب کی رہائش گاہ پر لوگوں سے گلے مل کر مبارکباد دیتے ہوئے دربھنگہ شہری اسمبلی کے لیے پارٹی اور ممکنہ امیدوار ایڈوکیٹ شاہد اطہر نے کہا کہ 11 اپریل 2025 کو پٹنہ گاندھی میدان کی ریلی کو کس طرح کامیاب بنایا جائے اور ہر بار کی طرح اس بار بھی دربھنگہ ضلع کے لوگوں کا ہجوم کیسے جائے گا اس پر تفصیلی بات چیت ہوئی۔ شاہد اطہر نے کہا کہ بسوں اور فور وہیلر کے ذریعے زیادہ سے زیادہ لوگوں کی آمدو رفت پر بھی بات چیت کی جائے گی۔ نگر کے جنرل سکریٹری شوکت جی نے کہا کہ میونسپل کارپوریشن کے تمام 48 وارڈ اور 18 بلاکس کی تمام پنچایتوں میں گھر گھر جا کر لوگوں کو اس ریلی کے بارے میں آگاہ کیا جائے گا۔ اسلم بھائی نے کہا کہ ان سہولتوں کے علاوہ لوگوں کے لیے ٹرین سے بھی سفر کرنا زیادہ آسان ہوگا، جہاں سے پٹنہ جنکشن سے گاندھی میدان تک تمام اضلاع سے آنے والے جن سوراج ساتھیوں کا ایک گروپ بنا کر گاندھی میدان کو بھرنے کا کام کیا جائے گا۔ علی اکبر نے کہا کہ اس بار پورے بہار میں رمضان کے دوران پارٹی کے سپریمو محترم پرشانت کشور جی کی قیادت میں کامیاب افطار کا پروگرام انعقاد کیا گیا جس سے جن سوراج کے تمام ساتھیوں کے حوصلے بہت بلند ہوئے ہیں۔ خاص طور پر ہمارے لیڈر نے جس طرح اقلیتی برادری کے درمیان گئے، پریس کانفرنسیں کیں اور لوگوں سے براہ راست رابطہ کیا اور پارٹی کی پالیسیوں کی وضاحت کی، انہوں نے ہمیشہ کہا کہ پارٹی کے اقتدار میں آنے کے بعد اس کی آبادی کے مطابق اسے بھرپور شرکت ملے گی۔ اس لیے ہم سب کا بہت حوصلہ ہوا ہے اور ہم لوگ پوری تیاری کے ساتھ بہار اسمبلی الیکشن لڑیں گے اور اس ڈبل انجن والی حکومت کو گرانے کے لیے کام کریں گے۔

قومی صدر لالو پرساد کی دعوتِ افطار میں گورنر عارف محمد خان سمیت ہزاروں روزہ داروںنے کی شرکت

 

پٹنہ، 24 مارچ :راشٹریہ جنتا دل (آر جے ڈی) کے قومی صدر لالو پرساد یادو کی جانب سے دعوتِ افطار کا اہتمام آر جے ڈی کے قومی پرنسپل جنرل سکریٹری عبدالباری صدیقی کی سرکاری رہائش گاہ پر کیا گیا۔ اس موقع پر ہزاروں کی تعداد میں روزہ داروں کے ساتھ ساتھ بہار کے گورنر عارف محمد خان، معزز شخصیات اور مہاگٹھ بندھن کے تمام اتحادی جماعتوں کے رہنماو¿ں نے شرکت کی۔

میزبان کے طور پر لالو پرساد یادو، سابق وزیر اعلیٰ رابڑی دیوی، اپوزیشن لیڈر تیجسوی پرساد یادو اور عبدالباری صدیقی آنے والے تمام مہمانوں کا پرتپاک استقبال کر رہے تھے۔

افطار کے لیے روزہ داروں کے لیے علیحدہ خصوصی انتظامات کیے گئے تھے، جہاں نماز ادا کرنے کی سہولت بھی موجود تھی۔ معروف عالم مولانا حسیب اکرام الحق نے نمازِ مغرب کی امامت کی۔

نمازِ مغرب سے قبل روزے اور رمضان المبارک کی فضیلت و اہمیت پر تفصیلی روشنی ڈالی گئی اور اجتماعی دعا کی گئی۔ لالو پرساد یادو اور تیجسوی یادو نے کہا کہ اس طرح کے مذہبی و ثقافتی پروگرام مشترکہ وراثت کو مزید مضبوط کرتے ہیں۔ اس موقع پر ملک کی ترقی، یکجہتی، بھائی چارے اور محبت کے فروغ کے لیے دعا کی گئی اور کہا گیا کہ ملک کی گنگا جمنی تہذیب کو مزید استحکام ملے گا۔

اس موقع پر جن معزز شخصیات نے شرکت کی، ان میں گورنر عارف محمد خان، غلام غوث، پشوپتی کمار پارس، پرنس راج، سورج بھان سنگھ، پرتیماداس، کے ڈی یادو، رام بابو، متھیلیش جھا، علی اشرف فاطمی، ا±دے نارائن چودھری، شیوانند تیواری، اسرائیل منصوری، ڈاکٹر تنویر حسن، سید فیصل علی، قاری شعیب، ڈاکٹر کانتی سنگھ، جے پرکاش نارائن یادو، اخترالاسلام شاہین، ابو دجانہ، اشوک سنگھ، آلوک کمار مہتا، جاوید اقبال انصاری، وجے پرکاش، شکتی سنگھ یادو، اعجاز احمد، ڈاکٹر انور عالم، چترنجن گگن، مہتاب عالم، خورشید عالم صدیقی، آرزو خان، اخلاق احمد، ساریکا پاسوان، بنٹو سنگھ، اشرف صدیقی، شاہنواز عالم، ارون یادو، بھائی ارون کمار، بلی یادو، غلام ربانی، مولانا نقیب، انعام الحق، اروند سہنی، نندو یادو، پروفیسر چندردیپ، انیل سادھو، کمار رائے سمیت ہزاروں کی تعداد میں روزہ دار اور دیگر افراد شامل تھے۔ اس کے علاوہ مختلف مسلم تنظیموں کے نمائندے بھی بڑی تعداد میں شریک ہوئے۔

بہار میں 20 کوّوں کی پراسرار موت، برڈ فلو کا شبہ مسترد

 

پٹنہ: بہار کے ضلع بھوجپور کے ہرہنگی گاؤں میں دو دنوں کے دوران تقریباً 20 کوّے پراسرار طور پر مردہ پائے گئے، جس سے علاقے میں خوف و ہراس پھیل گیا ہے۔ تاہم، ابتدائی تحقیقات میں برڈ فلو (ایوین انفلوئنزا) کا کوئی ثبوت نہیں ملا ہے۔

ضلعی محکمۂ حیوانات اور ماہی پروری کے افسر ڈاکٹر دنکر دیواکر نے اس واقعے کی تصدیق کرتے ہوئے بتایا کہ مردہ کوّے گاؤں کے باہر ایک ساگوان کے باغ میں پائے گئے۔ انہوں نے کہا، ’’ہم نے مردہ کوّوں کے نمونے اکٹھے کر کے کولکاتا کی ریجنل ڈیزیز ڈائیگنوسٹک لیب بھیجے ہیں۔ ابتدائی رپورٹ میں برڈ فلو کی تصدیق نہیں ہوئی ہے۔‘‘

علاقے میں احتیاطی تدابیر اختیار کی گئیں حکام نے ممکنہ انفیکشن کو پھیلنے سے روکنے کے لیے مردہ پرندوں کو گاؤں کے قریب ہی دفنا دیا ہے۔ اگرچہ برڈ فلو کی موجودگی سے انکار کیا گیا ہے لیکن مقامی باشندے کسی نامعلوم بیماری کے خدشے سے پریشان ہیں۔

ماہرین کا کہنا ہے کہ جس علاقے میں کوّوں کی موت ہوئی ہے، وہاں سے تقریباً 4 سے 5 کلومیٹر کے دائرے میں کوئی پولٹری فارم نہیں ہے، جس کی وجہ سے برڈ فلو پھیلنے کا امکان کم ہو جاتا ہے۔ اس کے باوجود، محکمہ حیوانات کی ایک ٹیم نے علاقے کا دورہ کیا اور دیہاتیوں کو احتیاط برتنے کی ہدایت دی ہے۔

پچھلے مہینے بھی ہوئی تھی پراسرار اموات قابل ذکر ہے کہ گزشتہ ماہ 18 فروری کو بہار کے جہان آباد میں بھی درجنوں کوّے پراسرار طور پر ہلاک ہو گئے تھے۔ جانچ میں یہ بات سامنے آئی تھی کہ ان کوّوں میں ایچ5 این1 وائرس پایا گیا تھا، جو برڈ فلو کا ایک انتہائی متعدی اسٹرین ہے اور انسانوں میں بھی منتقل ہو سکتا ہے۔

جہان آباد میں برڈ فلو کی تصدیق کے بعد ضلع انتظامیہ نے فوری طور پر احتیاطی تدابیر اختیار کی تھیں۔ مقامی لوگوں کو محتاط رہنے اور کسی بھی پرندے کی غیر معمولی موت کی اطلاع فوری طور پر دینے کی ہدایت دی گئی تھی۔

بھوجپور میں حالیہ واقعے کے بعد بھی محکمہ صحت اور محکمہ حیوانات الرٹ پر ہیں اور عوام سے اپیل کی گئی ہے کہ وہ مردہ یا بیمار پرندوں سے دور رہیں اور کسی بھی مشتبہ معاملے کی فوراً اطلاع دیں۔

 Ad

اشفاق رحمان کی جانب سے پرتکلف دعوت افطار کا اہتمام

 

ہوٹل پاٹلی پترا کونٹینٹل میں اشفاق رحمان کی جانب سے پرتکلف دعوت افطار کا اہتمام کیا گیا جس میں شہر کی معزز شخصیات سمیت کثیر تعدادمیں لوگوں نے شرکت کی خاص طور پر ایم ایل سی آفاق احمد خان ، سابق رکن اسمبلی ڈاکٹر اظہار احمد شریک ہوئے۔

ایسوسی ایشن کے قومی صدر شمائل احمد کی رہائش گاہ پر 400 افراد نے افطار کیا

 

پٹنہ:پرائیویٹ اسکولز اینڈ چِلڈرن ویلفیئر ایسوسی ایشن کے قومی صدر شمایل احمد کی جانب سے ان کی رہائش گاہ جمیل کمپائونڈ، سمن پورہ، راجا بازار میں گزشتہ چار دہائیوں سے رمضان المبارک کے مقدس موقع پر افطار پارٹی کا اہتمام کیا جاتا رہا ہے، اور اسی روایت کو برقرار رکھتے ہوئے اس سال بھی اٹھارہویں روزے کے دن افطار کی دعوت دی گئی، جس میں پٹنہ شہر کے 400 سے زائد معزز تعلیمی ماہرین، مشہور شخصیات، انتظامی افسران سمیت مختلف سیاسی جماعتوں کے نمایاں رہنمائوں نے شرکت کی۔اس موقع پر اذان ہوتے ہی شام 6 بجے تمام روزہ داروں نے کھجور، پھل، شربت اور مختلف لذیذ پکوانوں کے ساتھ روزہ افطار کیا۔

تقریب میں شریک اہم شخصیات

افطار پارٹی میں خصوصی طور پر سکم کے سابق گورنر جناب گنگا پرساد، بہار اسمبلی میں کانگریس لیڈر شکیل احمد خان، سابق کونسل ممبر پریم چند مشرا، ایم ایل سی قاری شعیب، آئی پی ایس افسر وکاس ویبھو، سابق مرکزی وزیر ڈاکٹر سی پی ٹھاکر کے فرزند دیپک ٹھاکر، اعجاز احمد صدیقی، سید شکیل احمد، سید شاہجہاں احمد، سید پرویز اعظم، سہیل اکرام، قیصر خان، ایاز احمد، حیدر امام، ڈاکٹر مصباح، جاوید خان، ڈاکٹر حسن، پرویز منظر، شاہ ذلفی، شہاب الدین بیگ، فیروز خان، جوگیندر سنگھ، انیل سنگھ، نتن شیکھر، امریش کمار، آشیش، چندر لوک سمیت 400 سے زائد افراد شریک ہوئے۔

بھائی چارے اور یکجہتی کی مثال

افطار پارٹی کے میزبان اور ایسوسی ایشن کے قومی صدر جناب شمایل احمد نے رمضان المبارک کے اس بابرکت موقع پر تشریف لانے والے تمام مہمانوں کا دل کی گہرائیوں سے خیرمقدم کیا اور برسوں پرانی بھائی چارگی اور یکجہتی کی روایت کو برقرار رکھا۔

رمضان کا مقدس مہینہ انسان کو سچائی اور صبر و تحمل کا درس دیتا ہے۔ اس بابرکت ماہ میں روزہ دار عبادت میں مصروف رہتے ہیں اور افطار میں شریک تمام افراد نے ملک اور ریاست میں امن و سلامتی کی دعا کی۔

افطار کے بعد مولانا انور صاحب نے مغرب کی نماز کی امامت کی اور اپنے خطاب میں کہا کہ روزہ رکھنے سے انسان کو بھوک اور پیاس کی شدت کا اندازہ ہوتا ہے اور وہ ان غریب بھائیوں کے دکھ درد کو سمجھ سکتا ہے جن کے پاس دو وقت کی روٹی بھی نہیں ہوتی۔ انہوں نے مزید کہا کہ رمضان میں زکوٰةدینے کا ثواب 70 گنا بڑھا دیا جاتا ہے۔

روحانی ماحول اور مسحور کن منظر

افطار کا منظر انتہائی دلکش تھا، جہاں امیر و غریب، چھوٹے بڑے سب نے ایک ساتھ روزہ افطار کیا، جس س
ے اتحاد و محبت کا حسین نظارہ دیکھنے کو ملا۔ ایسا محسوس ہو رہا تھا جیسے اللہ تعالیٰ نے خود کسی باغ میں رنگ برنگے پھول سجا دیے ہوں۔

400 سے زائد شرکاءنے مزیدار پکوانوں کا لطف اٹھایا اور ہر سال کی طرح اس سال بھی اتنی شاندار افطار پارٹی کے انعقاد پر ایسوسی ایشن کے قومی صدر شمایل احمد کو مبارکباد پیش کی۔

اس موقع پر ایسوسی ایشن کی قومی سیکرٹری فوزیہ خان نے تمام معزز مہمانوں کا شکریہ ادا کیا اور اس مقدس تقریب میں شرکت کرنے پر سبھی کا خیرمقدم کیا۔

رمضان المبارک میں قرآن مجید کی خیر برکت نظر آرہی ہے

 

 نریندر مودی اور امیت شاہ فوجیوں سے معافی مانگیں :غریب داس

پٹنہ 17 دسمبر:1971 کی تاریخی فتح کی وراثت پر حملہ اور ہمارے جنگی ہیروز کی توہین برداشت نہ کرنے کے معاملے پر بہار پردیش یوتھ کانگریس کے ریاستی صدر شیو پرکاش غریب داس کی قیادت میں پٹنہ کےگردنی باغ چوراہے پر نریندر مودی کا پتلانذرآتش کیا گیا۔

شیو پرکاش غریب داس نے کہا کہ نریندر مودی اور امت شاہ کو فوجیوں سے معافی مانگنی چاہیے، مودی حکومت کی جانب سے پاکستان کے ہتھیار ڈالنے کی تصویروں کو ہٹانا ہمارے ملک کی شاندار تاریخ کے تئیں ان کی بے حسی اور منفی رویہ کو ظاہر کرتا ہے۔ یہ صرف تصاویر ہٹانا نہیں بلکہ ہمارے ہیروز کی بہادری اور قربانی کی توہین ہے۔ یوتھ کانگریس کا مطالبہ ہے کہ تصویر کو بحال کیا جائے۔انہوں نے کہا کہ 1971 میں شہید ہونے والے فوجیوں کی تصاویر ہٹانا بہت بڑی توہین ہے۔ یوتھ کانگریس کا ہر کارکن متحد ہو کر اس ناانصافی کے خلاف لڑے گا، اس تصویر کو ہٹانا مودی حکومت کی گھٹیا ذہنیت کا ثبوت ہے۔

اس موقع پر راہول پاسوان، سورج کمار، امیت سکندر، امیت سوڈو، وویک چوبے، پرنس کمار آدیش سنگھ، بسنت کمار، سرفراز، چودھری چرن سنگھ، بھولا سنگھ، سونو اگروال کے علاوہ درجنوں یوتھ کانگریس کارکنان موجود تھے۔ 

ایڈوکیٹ شاہد اطہر کو جن سوراج پارٹی کی ریاستی سطح کی کمیٹی کا ممبر بنایا گیا- *

جن سوراج پارٹی اور پرشانت کشور جی کا بہت شکریہ- شاہد اطہر 

 

 دربھنگہ: جن سوراج پارٹی کے بانی پرشانت کشور جی اور پارٹی کے صدر منوج بھارتی جی نے مجھے ریاستی سطح کی کمیٹی کا رکن بنایا ہے اس کے لئے میں دونوں حضرات کا شکریہ ادا کرتے ہوئے کہا کہ اس کمزور کندھے پر اتنی بڑی ذمہ داری سونپی گئی ہے اسے پوری لگن کے ساتھ مکمل کرنا میرا سیاسی مقصد رہیگا شاہد اطہر نے کہا کہ ہماری جن سوراج پارٹی اس سال 2 اکتوبر 2024 کو قائم ہوئی اور اس کے بنتے ہی پارٹی نے چار اسمبلی ضمنی انتخابات میں اطمینان بخش کارکردگی کا مظاہرہ کیا جب کہ ان چاروں اسمبلیوں میں نہ تو پیدل یاترا ہوئی اور نہ ہی ضلعی کمیٹی بنائی گئی۔ لیکن جن سوراج نے پرشانت جی کی قیادت میں 35 سال پرانی پارٹی کو جڑ سے اکھاڑ پھینکنے کا کام کیا، جس کے لیے پرشانت جی اور تمام جن سوراجی مبارکباد کے مستحق ہیں-  شاہد اطہر نے کہا کہ پرشانت جی نے اعلان کیا ہے کہ جن سوراج کے اقتدار میں آنے کے 5 سال بعد بہار میں بچوں کے لیے بہترین تعلیمی نظام ہوگا، بہار میں ہی نوجوانوں کے لیے 10 سے 15000 روپے کا روزگار اور 60 سال سے زیادہ عمر کے مردوں اور عورتوں کو 2000 روپے ماہانہ پنشن فراہم کرنے کا کام کرینگے -اس موقع پر شاہد اطہر نے کہا کہ تبدیلی کا طوفان شروع ہو چکا ہے جو 2025 میں جن سوراج کے اقتدار میں آنے کے بعد ہی رکے گا۔ شاہد اطہر نے کہا کہ پرشانت جی نے 2025 کے اسمبلی انتخابات میں اقلیتوں کو 40 سیٹیں دینے کا اعلان کیا ہے جس کی وجہ سے اقلیتوں نے کرپشن اور اقربا پروری کی حکومت کو گرانے کا ذہن بنا لیا ہے۔ شاہد اطہر نے کہا کہ 24 جنوری کو جننائک کرپوری ٹھاکر جی کے یوم پیدائش پر ایک پروگرام کا انعقاد کیا جائے گا۔ شاہد اطہر نے مزید کہا کہ جن سوراج کے کور کمیٹی کے ممبر وسیم نیر انصاری، عبید الرحمان، ڈاکٹر رام بابو کھیتان، ڈاکٹر اعجاز علی، ڈاکٹر بی بی ساہی، فتح احمد اور دربھنگہ کے ضلع صدر بلٹو ساہنی کا شکریہ ادا کرتے ہوئے کہا کہ یقیناً جن سوراج کے مشن کو کامیاب بنانے میں آپ کے ساتھ قدم بہ قدم چلوں گا اور جن سوراج و پرشانت جی کے مشن کو متھیلانچل کے تمام لوگوں کے دلوں میں بسانے کا کام کروں گا-رہے گا۔

پارٹی کے تمام کارکنان 'مشن 2025-ہدف 225' کو حاصل کرنے کے لیے پوری طرح پرعزم اور وقف: امیش کشواہا

چھٹے مرحلے کے 5 تنظیمی اضلاع میں جے ڈی (یو) کی ضلع سطح کی ورکرس کانفرنس کا انعقاد

پٹنہ، 14 دسمبر : ہفتہ کو ریاستی جنتا دل (یو) نے ویشالی، مدھوبنی، پٹنہ میٹروپولیٹن، سہرسہ اور شیوہر میں ضلع سطح کی ورکرس کانفرنس کا اہتمام کیا۔ ہر ٹیم میں بہار حکومت کے معزز وزیر جناب وجے کمار چودھری، عزت مآب ریاستی صدر جناب امیش سنگھ کشواہا، عزت مآب وزیر جناب شرون کمار، عزت مآب وزیر جناب بیجیندر پرساد کی یادو اور وزیر اشوک چودھری کی صدارت میں پارٹی کے نو۔ نو لیڈران شامل ہوئے۔ پارٹی کے قومی کارگزار صدر اور معزز راجیہ سبھا ممبر پارلیمنٹ جناب سنجے کمار جھا مدھوبنی میں منعقدہ ضلع سطح کے کارکنان کانفرنس میں موجود تھے۔

 اس موقع پر عزت مآب ریاستی صدر جناب امیش سنگھ کشواہا نے کہا کہ پارٹی کے تمام کارکنان 'مشن 2025-ٹارگٹ 225' کو حاصل کرنے کے لیے پوری طرح پرعزم اور وقف ہیں۔ ورکرز کانفرنسوں میں بے پناہ ہجوم کا جمع ہونا ہماری پارٹی کے لیے ایک اچھی علامت ہے اور آنے والے دنوں میں اس کے مثبت اثرات یقیناً نظر آئیں گے۔ انہوں نے مزید کہا کہ وفادار کارکن ہماری سب سے بڑی طاقت ہیں اور کارکنوں کی مدد سے ہم 2025 میں ترقی دشمن قوتوں کو شکست دیں گے۔

نتیش کمار کے 20 سالہ دور حکومت میں سماج کے کمزور طبقات کی بہتری کے لیے بے مثال کام کیا گیا : راجیو رنجن پرساد

پٹنہ، 14 دسمبر 2024: ہفتہ کو پٹنہ میٹروپولیٹن جنتا دل (یونائیٹڈ) کے کارکنان کانفرنس کا اہتمام پٹنہ میٹروپولیٹن ضلع صدر جناب آصف کمال کی صدارت میں رام لکھن سنگھ یادو کالج، انیس آباد میں کیا گیا۔ اس کا افتتاح کرتے ہوئے دیہی ترقی کے وزیر شراون کمار نے کہا کہ عزت مآب وزیر اعلیٰ نتیش کمار پورے بہار کی ترقی میں مصروف ہیں، 10 لاکھ 63 ہزار خواتین کو خصوصی مدد فراہم کی جا رہی ہے۔ حکومت کی طرف سے ان کی روزی روٹی کے لیے ہر ایک کو 2-2 لاکھ روپے کی مالی امداد دی گئی ہے۔ تالاب کی دیکھ بھال اور بکری پالنے کے لیے حکومت کی طرف سے مالی امداد فراہم کی جا رہی ہے۔ سرس میلے میں پہلی بار بہار کی خواتین کاروباریوں کو اسٹال لگانے میں ترجیح دی گئی ہے تاکہ خواتین کاروباریوں کا سامان فروخت کیا جاسکے۔

 جلسہ سے خطاب کرتے ہوئے جنتا دل (یونائیٹڈ) کے قومی جنرل سکریٹری اور سابق وزیر شری شیام رجک نے کہا کہ ڈاکٹر بابا صاحب بھیم راو¿ امبیڈکر نے دلتوں کی سماجی، اقتصادی اور سیاسی ترقی کے لیے بہت کام کیا۔ آزادی حاصل کرنے کے بعد کچھ لوگوں نے دلتوں کو ووٹ بینک کے طور پر استعمال کیا تاکہ صرف ان کے ووٹ لے کر حکومت بنائی جائے۔ اپنے دور اقتدار کے 20 سال کے دوران، وزیر اعلیٰ نتیش کمار نے سماجی، اقتصادی اور سیاسی پوزیشن کے لیے پنچایتوں میں ریزرویشن فراہم کیا، امبیڈکر ہاسٹل تعلیم کے لیے تعمیر کرکے تعلیمی ترقی کے لیے کام کیا اور معاشی ترقی کے لیے کاروباری منصوبے بنا کر لوگوں کو بااختیار بنایا۔

 جنتا دل (یونائیٹڈ) کے قومی ترجمان جناب راجیو رنجن پرساد نے کہا کہ عزت مآب وزیر اعلیٰ جناب نتیش کمار کے 20 سال کے دور حکومت میں سماج کے کمزور طبقات کی بہتری کے لیے بے مثال کام کیا گیا ہے۔ شری نتیش کمار نے قومی سطح پر ایک نمونہ قائم کیا ہے، خاص طور پر خواتین، سماج کے محروم طبقات، انتہائی پسماندہ، دلتوں اور مہادلیت کی ترقی کے لیے۔

 اس موقع پر سابق ایم پی مسٹر چندیشور پرساد چندرونشی، سابق وزیر مسٹر جئے کمار سنگھ، مسزکہکشاں پروین، مسٹر رام سیوک سنگھ، مسٹر للت نارائن منڈل، مسٹر ارون مانجھی، مسٹر نیہورا پرساد یادو، مسٹر اروند۔ نشاد، مسٹر رنوجے کمار، مسٹر ڈاکٹر دھرمیندر چندرونشی، مسٹر جتیندر پٹیل، مسٹر دھیرج کشواہا، مسٹر انیل کمار سنگھ، مسٹر رویندر پٹیل، مسٹر شتروگھن پاسوان، مسٹر آفتاب عالم، مسٹر۔ بنٹی چندراونشی، مسٹر کمل نوپانی موجود تھے۔

کانگریس سوشل میڈیاشعبہ کی ہوئی اہم میٹنگ ، ریاستی حکومت کی ناکامیوں کو اجاگرکرنے کا لیا گیا عزم

 کانگریس سوشل میڈیاشعبہ کی ہوئی اہم میٹنگ ، ریاستی حکومت کی ناکامیوں کو اجاگرکرنے کا لیا گیا عزم 

پٹنہ۔:آئندہ بہار اسمبلی انتخابات کے پیش نظر بہار پردیش کانگریس کے سوشل میڈیا شعبہ کی ایک اہم میٹنگ ریاستی ہیڈکوارٹر صداقت آشرم میں منعقد ہوئی۔

اس میٹنگ کی صدارت ریاستی کانگریس کے سوشل میڈیا ڈپارٹمنٹ کے چیئرمین سوربھ سنہا نے کی جس میں سوشل میڈیا کے نیشنل کوآرڈینیٹر پرنو بطور مہمان خصوصی اور نیشنل میڈیا کوآرڈینیٹر اکشت جی مہمان خصوصی کے طور پر موجود تھے۔میٹنگ سے خطاب کرتے ہوئے سوشل میڈیا کے نیشنل کوآرڈینیٹر پرنونے کہا کہ بہار میں بی جے پی-جے ڈی یو کے جھوٹے وعدوں اور ترقی کے دعووں کو عوام کے سامنے لانا ہوگا اور اس کے لیے ہمیں مضبوط جدوجہد کرنا ہوگی۔نیشنل کوآرڈینیٹر اکشت جی نے کہا کہ ہمیں کانگریس کے زمینی کام کو عوام تک لے جانے کے مقصد کے ساتھ آگے بڑھنا ہے۔ انہوں نے ریاستی کانگریس سوشل میڈیا ڈپارٹمنٹ کے کام کی تعریف کی۔ریاستی سوشل میڈیا ڈپارٹمنٹ کے چیرمین سوربھ سنہا نے کہا کہ آئندہ انتخابات سے قبل سوشل میڈیا ڈپارٹمنٹ کو از سر نو ترتیب دیا گیا ہے اور اس میٹنگ میں تمام ضلعی انچارج موجود تھے اور ان کے بہترین کام کو دیکھتے ہوئے قومی قیادت نے انہیں اعزاز سے نوازا۔ انتخابات سے پہلے ا ہم تیار ہوں گی اور بی جے پی اور جے ڈی یو کی جھوٹ کی فیکٹری کو جڑ سے اکھاڑ پھینکنے کا کام کیاجائےگا۔ میٹنگ میں ریاستی کانگریس کے سوشل میڈیا ڈپارٹمنٹ کے چیئرمین سوربھ سنہا، نائب صدر خالد امین شیخ، کوآرڈینیٹر روی کمار، امت سنگھ اور دیگر لیڈران موجود تھے۔

یوتھ کانگریس صدر شیو پرکاش غریب داس کی قیادت میں وزیراعلیٰ کا پتلا نذرآتش، پٹنہ کے ڈی ایم کو برخواست کرنے کا کیا گیا مطالبہ

 

پٹنہ:بہار پردیش یوتھ کانگریس کے صدر شیو پرکاش غریب داس کی قیادت میں اور یوتھ کانگریس کے قومی سکریٹری کمار روہت کی موجودگی میں نتیش کمار کا پتلا جلایا گیا، جس میں پٹنہ کے انکم ٹیکس گولمبر میں طلباء کے ساتھ نارواسلوک کرنے والے ڈی ایم کو برخاست کرنے کا مطالبہ کیا گیا۔چیئرمین نے کہا کہ مسابقتی امتحانات میں پیپر لیک ہونے کی خبریں آئے روز سامنے آرہی ہیں جس سے طلباء کا مستقبل متاثر ہو رہا ہے، انہوں نے حکومت سے مطالبہ کیا کہ پیپر لیک ہونے سے نجات کے لیے کوئی مضبوط قانون بنایا جائے۔انڈین یوتھ کانگریس کے قومی سکریٹری کمار روہت نے کہا کہ پٹنہ کے ڈی ایم کے ذریعہ بی پی ایس سی کے طلباءکے ساتھ کیا گیا برا سلوک قابل مذمت ہے اور انہوں نے پٹنہ کے ڈی ایم کو برخاست کرنے کا مطالبہ کیا۔اس موقع پر سونو اگروال، بہار پردیش یوتھ کانگریس کے وکاس کمار جھا،اکٹر آلوک، روہت کمار، امیت سکندر، راہل پاسوان، وویک چوبے، روشن، نتیش، ردھی گاندھی، نیرج جھا سمیت درجنوں یوتھ کانگریس کارکنان موجود تھے۔