پٹنہ سیٹی میں مفت میڈیکل کیمپ کا انعقاد، سینکڑوں افراد مستفیض

 

پٹنہ سیٹی، 16 فروری: مقامی وارڈ 63 کے کون
سلر فیض الرحمن (فیروز بھائی) نے عوام کو بنیادی سہولیات فراہم کرنے کے عزم کے تحت آج ایک فری میڈیکل کیمپ کا انعقاد کیا، تاکہ وارڈ کے رہائشی مستفیض ہو سکیں۔

یہ کیمپ پانیئر ہائی اسکول، کنگھیا ٹولہ، نون کا چوڑا، پٹنہ سیٹی میں میڈیکو سینٹر کے زیر اہتمام منعقد کیا گیا، جس کا افتتاح کونسلر فیض الرحمن (فیروز بھائی) اور اسکول کے پرنسپل قیصر امام نے مشترکہ طور پر فیتہ کاٹ کر کیا۔

اس مفت صحت کیمپ میں شہر کے معروف ماہرینِ طب نے اپنی خدمات فراہم کیں، جن میں:

ڈاکٹر کائنات زہرا (ماہر امراضِ نسواں)

ڈاکٹر یاسر تاجدار (ماہر امراض معدہ و جگر)

ڈاکٹر فیض الرحمن (جے پور) شامل تھے۔

کیمپ میں تقریباً 200 افراد نے اپنی صحت کی جانچ کروائی، جہاں ماہر ڈاکٹروں نے انہیں ضروری مشورے دیے اور مفت ادویات بھی فراہم کیں۔

اس موقع پر پانیئر ہائی اسکول کے پرنسپل قیصر امام، سماجی کارکن ہدایت احمد، ڈاکٹر جمیل احمد، ڈاکٹر وقار عالم، محمد شہزاد بھائی، مہتاب عالم، امتیاز عالم، نوشاد عالم سمیت دیگر معززین بھی موجود تھے، جنہوں نے اس فلاحی اقدام کو سراہا اور آئندہ بھی ایسے کیمپس کے انعقاد کی ضرورت پر زور دیا۔

کونسلر فیض الرحمن (فیروز بھائی) نے اس عزم کا اظہار کیا کہ عوام کی صحت اور فلاح و بہبود کے لیے ایسے اقدامات مستقبل میں بھی جاری رہیں گے۔