پٹنہ:آئین کے معماربابا صاحب بھیم راو امبیڈکر کی یاد میں آج کانگریس کی جانب سے ملک گیر سمان مارچ کا انعقاد کیا گیا، جس کے تحت آج دار الحکومت پٹنہ میں یار پور باگھ مورتی مندر کے نزدیک امبیڈکر مجسمہ کے قریب، گردنی باغ، پٹنہ سے شہید اسمارک سکریٹریٹ تک سمان مارچ کا انعقاد کیا گیا۔
دارالحکومت پٹنہ میں یہ مارچ پٹنہ میٹروپولیٹن کانگریس اور پٹنہ ضلع کے دونوں دیہی کانگریس پارٹی نے مشترکہ طور پر منعقد کیا تھا۔ جس میں بہار کانگریس کے ریاستی صدر ڈاکٹر اکھلیش سنگھ نے بھی شرکت کی۔بہار کانگریس صدر ڈاکٹر اکھلیش پرساد سنگھ کی قیادت میں وزیر داخلہ امیت شاہ کی جانب سے ایوان کے اندر بابا صاحب بھیم راو¿ امبیڈکر کے خلاف استعمال کیے گئے نازیبا الفاظ کے خلاف ایک مارچ نکالا گیا۔ اس مارچ کو مقامی پولیس انتظامیہ نے آگے بڑھنے سے روک دیا جس کے بعد افراتفری کی صورتحال پیدا ہوگئی۔ مارچ روکنے کے بعد ریاستی صدر اکھلیش سنگھ کی قیادت میں کانگریس کے ہزاروں کارکن سڑک پر بیٹھ گئے۔ جس کے باعث یہ احتجاجی مارچ دھرنا میں بدل گیا۔ اس کے بعد کانگریس نے انتظامیہ کے خلاف خاموش احتجاج کے بعد دوبارہ امبیڈکر کے مجسمے پر گلپوشی کر سمان مارچ کا اختتام کیا۔
جلسہ سے خطاب کرتے ہوئے ریاستی صدر ڈاکٹر اکھلیش پرساد سنگھ نے کہا کہ مرکزی اور ریاستی حکومت کی جانب سے اپوزیشن کی آواز کو دبائی جارہی ہے۔ انہوں نے کہا کہ آج جس طرح انتظامیہ نے کانگریس کارکنوں کو مارچ کرنے سے روکا ہے، اس سے ظاہر ہوتا ہے کہ ملک اور ریاست میں آمریت کی صورتحال ہے، انہوں نے کہا کہ جب تک وزیر داخلہ امت شاہ استعفیٰ نہیں دے دیتے کانگریس کا احتجاج جاری رہے گا۔
انہوں نے کہاکہ ملک میں انتشار کا ماحول بنا کر آئینی اقدار کو پامال کیا جا رہا ہے۔ ایوان میں بابا صاحب کے بارے میں اہانت آمیز بات کرنے کی جسارت کرنے والے وزیر داخلہ کو فوری استعفیٰ دے دینا چاہیے۔ انہوں نے طنزیہ کہا کہ پہلے استعفے اخلاقی بنیادوں پر مانگے جاتے تھے لیکن اب اس حکومت نے اخلاقیات کا گلا گھونٹ دیا ہے اور ایوان کے اندر ہی ملک کے عظیم قائدین کی توہین اور تذلیل پر تلی ہوئی ہے۔ اب تک بی جے پی کے لیڈر ملک میں آئین کے بارے میں غلط فہمیاں پھیلا رہے تھے اور اب آئین کے معمار بابا صاحب کے خلاف ایسے زیادتی کر کے یہ ظاہر کر رہے ہیں کہ انہیں ملک کے عظیم ہیروز کا کوئی احترام نہیں ہے۔ وہ جدوجہد آزادی کے عظیم ہیروز کا بھی احترام نہیں کرتے۔
اس دوران سابق وزیر کرپاناتھ پاٹھک، امبوج کشور جھا، پٹنہ میٹروپولیٹن صدر ششی رنجن، دیہی صدر سمیت کمار سنی اور ایگزیکٹو صدر گرجیت سنگھ نے پٹنہ ضلع مجسٹریٹ سے ملاقات کی اور صدر کے نام ایک میمورنڈم پیش کیا۔
No comments:
Post a Comment