ایم ای پی ایس سی اور پرائیوٹ اسکول اینڈ چلڈرین ویلفیئر ایسوسی ایشن کے مابین مفاہمت نامے پر دستخط: سید شمائل احمد
مینجمنٹ اینڈ انٹرپرینیورشپ اینڈ پروفیشنل اسکلز کونسل (MEPSC) حکومت ہند کے ابھیشیک بنرجی اور پرائیویٹ اسکولس اینڈ چلڈرن ویلفیئر ایسوسی ایشن کے قومی صدر سید شمائل احمد کے درمیان ایک مشترکہ مفاہمت نامے پر دستخط کیے گئے جس کا مقصد پورے ملک میں 25 لاکھ پری پرائمری اساتذہ کو تربیتدینے کا ہدف رکھا گیا۔ موقع تھا ایسوسی ایشن کی تین روزہ قومی کانفرنس جو 17 سے 19 دسمبر 2024 کو اتر پردیش کے آگرہ شہر کے فائیو اسٹار ہوٹل کلارک شیراز میں منعقد ہوئی۔
اس کا افتتاح مشہور آئی پی ایس افسر مسٹر وکاس ویبھو، حکومت ہند کی مینجمنٹ اینڈ انٹرپرینیورشپ اینڈ پروفیشنل ا سکلز کونسل (MEPSC) کے ابھیشیک بنرجی، ایسوسی ایشن کے قومی صدر سید شمائل احمد اور جوائنٹ سکریٹری ڈاکٹر ایس پی ورما نے شمع روشن کر کیا۔
اسوسی ایشن کے قومی صدر سید شمائل احمد نے کہا کہ پہلی بار حکومت ہند کے کسی ادارے (MEPSC) نے ایک پرائیویٹ ادارے پر بھروسہ کیا ہے اور 25 لاکھ پرائمری اساتذہ کو تربیت دینے کے ہدف کو حاصل کرنے کے لیے پرائیویٹ اسکول اینڈ چلڈرن ویلفیئر ایسوسی ایشن کے ساتھ ایک ایم او یو پر دستخط کیے ہیں۔ جس سے انجمن کے عہدیداران میں کافی جوش و خروش پایا جاتا ہے۔
اس کانفرنس میں قومی صدر سید شمائل احمد نے ملک بھر سے آئے ہوئے تمام ریاستوں کے نمائندوں کے کئی مسائل سنے جن میں بنیادی طور پر کئی سالوں سے آر ٹی ای کی رقم نہیں ملنا، محکمہ تعلیم کے افسران کی طرف سے مسلسل ہراساںکئے جانے سمیت متعدد مسائل پر، انہوں نے لوگوں کو یقین دلایا کہ وہ جلد ہی حکومت ہند کے وزیر تعلیم سے ملاقات کریں گے اور ان مسائل کو حل کرنے کی بات کریں گے۔
اپنے خطاب میں آئی پی ایس وکاس ویبھو نے ہندوستان میں تعلیم کے میدان میں پرائیویٹ اسکولوں کے اہم کردار کی تعریف کی اور کہا کہ زیادہ تر لوگ نجی اسکولوں پر بھروسہ کرتے ہیں اور اپنے بچوں کو وہاں پڑھنے کے لیے بھیجتے ہیں۔ جو یقینان کا یہ فیصلہ درست ہے ۔ اب بھی سرکاری اسکولوں میں پڑھنے والے بچوں کی تعداد زیادہ ہو سکتی ہے لیکن پرائیویٹ سکول بہت اچھے کام کر رہے ہیں۔
ایم ای پی ایس سی کے ابھیشیک بنرجی نے کہا کہ این ای پی 2020 کے تحت حکومت ہند نے پرائیویٹ اسکولوں اور بچوں کی بہبود ایسوسی ایشن کے ساتھ مل کر پری اسکول اساتذہ کو اچھی تعلیم فراہم کرنے کا ہدف مقرر کیا ہے جس کے لیے جلد ہی ملک بھر میں پری اسکول اساتذہ کو تربیت دی جائے گی۔
اس کانفرنس میں ملک بھر سے 300 سے زائد نمائندوں نے شرکت کی جن میں ڈاکٹر ایس پی ورما، ڈاکٹر شیام نارائن کنڑ، ڈاکٹر فرزانہ شکیل، ڈاکٹر دھیرج مہروترا، فوزیہ خان، ریتیکا راٹھور، جی این وار، ڈاکٹر افشاد احمد، کنہیا پرساد، توفیق حسین، ڈاکٹر رام چندرن نائر، ڈاکٹر بلال، ڈاکٹر پون شرما، ڈاکٹر راج کمار شرما، اشرف بابا، انورادھا ورما، عفت رحمان، پنکج کشور سنگھ، ڈاکٹر ایس کے گپتا، تبسم فاروق، کلدیپ شرما، چرنجیت کور، ڈاکٹر بی این پی بارنوال، روہت ورما اور دیگر نے بھی اپنے خیالات کا اظہار کیا۔
No comments:
Post a Comment