پٹنہ: پٹنہ ضلع کانگریس کمیٹی کی جانب سے یکم ستمبر کو ہونے والی ”ووٹر ادھیکار یاترا“کی تیاری کے سلسلے میں ایک اہم اجلاس منعقد ہوا، جس میں بانکی پور اسمبلی کے ممکنہ امیدوار ہیمنت چترویدی نے الزام لگایا کہ بی جے پی اور الیکشن کمیشن ووٹ چوری کی سازش کر رہے ہیں۔ انہوں نے کہا کہ ”کانگریس کسی بھی صورت میں عوام کے حق رائے دہی کے ساتھ ہونے والی چھیڑ چھاڑ برداشت نہیں کرے گی۔
انہوں نے کارکنوں اور عوام سے اپیل کی کہ جمہوریت کی مضبوطی کے لیے ہر شہری کا حق رائے دہی محفوظ رہنا چاہیے اور اس کے لیے کانگریس مسلسل جدوجہد کر رہی ہے۔ اجلاس میں پٹنہ مہا نگر کانگریس کمیٹی کے صدر ششی رنجن، انچارج روپ چند جین، سینئر لیڈر محمد رفیق احمد سمیت کئی رہنما اور کارکن شریک ہوئے۔ اجلاس میں ووٹر ادھیکار یاترا کو کامیاب بنانے کی حکمت عملی پر تفصیلی بات چیت کی گئی اور عوام سے زیادہ سے زیادہ تعداد میں شریک ہونے کی اپیل کی گئی۔
No comments:
Post a Comment