گورنمنٹ طبی کالج پٹنہ کی جانب سے صحت بیداری ہفتہ کا انعقاد کیا گیا۔

 

پٹنہ : ڈاکٹر محمد شفاعت کریم، اسسٹنٹ پروفیسر گورنمنٹ طبی کالج  و اسپتال پٹنہ نے آج مورخہ 07 ستمبر بروز اتوارایک پریس اعلانیہ جاری کرتے ہوئے بتایا کہ کالج میں ستمبر کے پہلے ہفتے میں طبی کالج کے اسپتال کے احاطہ میں او پی ڈی میں پہنچنے والے مریضوں کے درمیان عمومی صحت بیداری مہم چلائی گئی۔اس کے ذریعہ لوگوں کو ایک صحت مند طرز زندگی، امراض سے تحفظ کے تدابیر اور ایک صحت مند سماج کی تعمیر کے تعلق سے جانکاری فراہم کی گئی، پرچے بانٹے گئے اور پوسٹر کے ذریعہ سمجھایا گیا۔ یہ پروگرام ایک ستمبر سے 07 ستمبر تک چلنا تھا  البتہ 07 ستمبر کو اتوار ہونے کی وجہ سے اس صحت بیدار مہم کا اختتام 06 ستمبر بروز سنیچر ہی کر دیا گیا۔ 

بتاتا چلوں کہ اس صحت بیداری ہفتہ کا انعقاد گورنمنٹ طبی کالج و اسپتال پٹنہ کے صد سالہ جشن کے ضمن میں کیا گیا تھا۔ اس مہم کے  چیرمین ڈاکٹر محمد نجیب الرحمن تھے جب کہ پورے پروگرام کی سرپرستی کالج ہذا کے پرنسپل پروفیسر (ڈاکٹر) محمد محفوظ الرحمن کر رہے تھے۔ اس پوری مہم میں مختلف موضوعات کا احاطہ کیا گیا جس میں 01 ستمبر کو شعبہ معالجات کے پی جی اسکالر ڈاکٹر  راحت پروین اور نہال اشرف نے ٹیکہ کاری (ویکسینیشن )  کے بارے میں لوگوں بیدار کیا۔ 02 ستمبر کو ڈاکٹر زاہد اور ڈاکٹر مظفر سلیمان نے ذیابیطس شکری  اور اس سے تحفظ کے اپائے سے لوگوں کو آگاہ کیا۔ 03 ستمبر کو ڈاکٹر ہلال انور اور ڈاکٹر شاہد امام نے ضغط الدم قوی (ہائپرٹنشن) سے عوام کو روبرو کرایا۔ اسی طرح سے 04 ستمبر کو ڈاکٹر مظفر سلیمان اور ڈاکٹر نہال اشرف نے سمن مفرط (موٹاپا)  اور اس کے انجام سے عوام کو بیدار کیا۔ آخر دن بروز سنیچر فقر الدم (انیمیا)  اور اس کے علامت سے اس کی فوری پہچان کرنے اور اور اس کے بچائو سےلوگوں کو آگاہ کرنے کے لئے ڈاکٹر کے ایم سوچیتا اور داکٹر نہال  اشرف نے اپنے تاثرات پیش کئے۔ 

گورنمنٹ طبی کالج پٹنہ کے صد سالہ جشن میں ہر ماہ مختلف اقسام کے پروگرام منعقد کئے جانے ہیں جس کا مقصد عوام تک یونانی طریقہ علاج کو پہنچانا، یونانی ڈاکٹروں کو اس طریقہ علاج میں باکمال بنانا ، اور طلباء کو بھی اپنی پیتھی میں اعتماد کے ساتھ علاج و معاالجہ کرنے کی تلقین دلانا شامل ہے۔اسی صد سالہ جشن کے تحت اس ماہ مزید تین پروگرام ہونے ہیں جس میں گرین انیشیٹیو کے طور پر پیڑ پودھے لگائیں جائیں گے اور صاف صفائی کا اہتمام کیا جائےگا۔ 21 ستمبر کو ورلڈ الزائیمر ڈے منایا جانا ہے اور اسی ماہ کالج ہذا کے فارغین کے ساتھ آن لائن میٹینگ کا اہتمام کیا جانا ہے جس سے کہ 2026 میں صد سالہ میں ان کا کیا رول ہوگا اس پر لائحہ عمل تیار کیا جائے گا۔

راجد کو صرف مسلمانوں کے ووٹوں سے محبت ہے مسلمانوں سے نہیں : شاہد اطہر

 دربھنگہ:- آر جے ڈی کے بانی ر
کن اور شہری اسمبلی حلقہ کے سابق ایم ایل اے جناب سلطان احمد کے انتقال پر پارٹی کے ہائی کمان یا لالو خاندان کے کسی رکن کی غیر موجودگی، جب کہ حیاگھاٹ اسمبلی کے سابق ایم ایل اے جناب ہری نندن یادو کی آخری رسومات میں اپوزیشن لیڈر تیجسوی یادو، سابق نائب وزیر اعلیٰ کی شرکت یہ ثابت کر رہا ہے کہ راجد کو صرف مسلمانوں کے ووٹوں سے محبت ہے مسلمانوں سے نہیں ۔ یہ باتیں دربھنگہ شہری اسمبلی حلقہ کے ممکنہ امیدوار اور جن سوراج پارٹی بہار کے ایگزیکٹو ممبر ایڈووکیٹ شاہد اطہر نے آج ایک پریس ریلیز میں کہیں۔ ایڈوکیٹ شاہد اطہر نے کہا کہ یہ آر جے ڈی کا پہلا معاملہ نہیں ہے، اس سے قبل بھی سابق رکن اسمبلی ڈاکٹر محمد شہاب الدین صاحب کی موت پر بھی ایسا ہی کیا گیا تھا، جو لالو خاندان کے لیے باعث فخر تھے اور جنہوں نے اپنی طاقت کے بل بوتے پر پارٹی کو متحد رکھا تھا۔ آخر کب تک ریاست میں مسلمانوں کے ساتھ ایسا ہوتا رہے گا؟ ایڈووکیٹ شاہد اطہر نے کہا کہ آفت و غم  کے اس موقع پر ہم سب جناب ہری نندن یادو جی کے اہل خانہ کے ساتھ گہرے تعزیت کا اظہار کرتے ہیں۔ اللہ تعالیٰ سے دعا ہے کہ وہ ان کے اہل خانہ کو صبر جمیل عطا فرمائے۔ ایڈووکیٹ شاہد اطہر نے راجد کے ضلع صوبہ و قومی اقلیتی لیڈر سے پوچھا ہے کہ آج جو ہوا ہے وہ کیا کل آپ کے لوگوں کے ساتھ ایسا نہیں ہو سکتا ہے کیا؟ایڈووکیٹ شاہد اطہر نے مزید کہا کہ کیا آر جے ڈی کو صرف یادو کی پارٹی سمجھا جائے؟ بہار اسمبلی انتخابات ہونے والے ہیں اور آر جے ڈی والے مسلمانوں کے پاس آئیں گے اور ان سے ہمدردی کی بات کریں گے لیکن حقیقت میں کچھ اور ہی نظر آرہا ہے۔ آر جے ڈی مسلم ووٹ چاہتی ہے لیکن ان کے دکھ درد میں شریک نہیں بن سکتی۔ شہری اسمبلی کے ممکنہ امیدوار ایڈووکیٹ شاہد اطہر نے کہا کہ دربھنگہ شہری اسمبلی کا ایک ایک مسلمان آر جے ڈی کے خلاف اور جن سوراج کے امیدوار کو ووٹ دے کر سابق ایم ایل اے جناب سلطان احمد صاحب کے گھر نہ آنے کا بدلہ لے گا۔

پٹنہ میں یونانی طب کے فروغ کیلئے تاریخی معاہدہ

سی سی آر یو ایم دہلی اور گورنمنٹ طبی کالج پٹنہ کے درمیان مفاہمت نامہ پر دستخط

پٹنہ:ریجنل ریسرچ انسٹی ٹیوٹ آف یونانی میڈیسن ( آر آر آئی یوایم )، پٹنہ میں آج ایک تاریخی مفاہمت نامہ (ایم او یو) پر دستخط کیے گئے۔ یہ معاہدہ سینٹرل کونسل فار ریسرچ اِن یونانی میڈیسن (سی سی آر یوایم)، نئی دہلی، وزارت آیوش، حکومت ہند اور گورنمنٹ طبی کالج و اسپتال، پٹنہ کے درمیان طے پایا۔

یہ ایم او یو یونانی طب کے شعبے میں تحقیقی تعاون، علمی ترقی اور اختراعات کو فروغ دینے کی سمت ایک بڑی کامیابی قرار دیا جا رہا ہے۔

تقریب کی رونق میں اضافہ کرنے والے معززین میں ڈاکٹر این۔ظہیر احمد، ڈائریکٹر جنرل، سی سی آر یوایم، وزارت آیوش پروفیسر ڈاکٹر محفوظ الرحمٰن، پرنسپل، گورنمنٹ طبی کالج و اسپتال، پٹنہ ،پروفیسر شہنواز اختر، سینئر فیکلٹی ممبر ،ڈاکٹر ممتاز احمد، ڈپٹی ڈائریکٹر، آر آر آئی یو ایم پٹنہ ، ڈاکٹر وہاب علی، سائنٹسٹ ایف ، آر ایم آئی آر ایم ایس پٹنہ، ڈاکٹر محمد منظر عالم، ریسرچ آفیسر (یونانی)، ڈاکٹر عبدالرشید، ریسرچ آفیسر (یونانی)، اس کے علاوہ سی سی آر یو ایم ہیڈکوارٹر کے نوڈل افسران اور مختلف ذیلی اداروں کے انچارج بھی آن لائن ج±ڑے، جس سے اس تقریب کو مزید وسعت اور اہمیت حاصل ہوئی۔

یہ اسٹریٹجک پارٹنرشپ دونوں اداروں کو درج ذیل مقاصد میں مضبوطی فراہم کرے گی: ثبوت پر مبنی طریقہ علاج کے ذریعے صحت خدمات کو مو¿ثر بنانا۔تعلیمی و تحقیقی میدان میں اعلیٰ معیار کو فروغ دینا۔ یونانی طب میں اختراعات اور جدید تحقیقی سرگرمیوں کی حوصلہ افزائی کرنا۔ مشترکہ تحقیقی پروجیکٹس اور تعاون پر مبنی اقدامات۔* صلاحیت سازی اور ہنر مندی کے نئے مواقع پیدا کرنا۔ روایتی علم اور جدید سائنس پر مبنی مربوط ہیلتھ ماڈل تیار کرنا۔

یہ معاہدہ یونانی طب کے میدان میں قومی سطح پر تعاون، سائنسی فکر اور علمی خوشحالی کی جانب ایک نئے باب کا آغاز ثابت ہوگا۔

انجمن بہار کے ذریعہ 75 طلباء و طالبات نے داخلہ کے لیے فارم جمع کیا ڈاکٹر احمد نسیم آرزو

 

 دربھنگہ:-  اس سال 2025 میں انجمن بہار کے ذریعہ متھلا انسٹیٹیوٹ آف ٹیکنالوجی اینڈ میڈیکل سائنس میں مفت داخلہ کے لیے 75 سے زائد طلبہ و طالبات نے صرف دو دنوں میں انسٹیٹیوٹ میں آ کر فارم جمع کیا ہے کل سے فارم کی جانچ کی جائے گی یہ باتیں انسٹیٹیوٹ کے چیئرمین و الہلال ہاسپٹل کے ڈائریکٹر احمد نسیم آرزو نے جاری پریس ریلیز میں بتایا ڈاکٹر آرزو نے آگے بتایا کہ جن طلبہ و طالبات کو مفت داخلہ کے لیے منتخب کیا جائے گا ان کا کلاس بتاریخ 8 ستمبر 2025 بروز سوموار سے شروع کرایا جائے گا ڈاکٹر آرزو نے بتایا کہ یہ اپنے آپ میں ایک تاریخ قائم ہو گئی ہے کہ صرف سنیچر اور سوموار یعنی 2 دن میں بہار کے مختلف اضلاع سے کثیر تعداد میں طلبہ و طالبات نے متھلا اسٹیثٹیوٹ آف ٹیکنالوجی اینڈ میڈیکل سائنس میں نام لکھوانے کے مقصد سے کثیر تعداد فارم جمع کیا معلوم ہو کہ متھلا انسٹیٹیوٹ آف ٹیکنالوجی اینڈ میڈیکل سائنس میں سبھی کورسز میں سیٹ لیمیٹڈ ہونے کی وجہ اور بہت ہی زیادہ  فارم جمع ہونے کی وجہ سے فارم جانچ کی جائے گی فارم جانچ کی کاروائی کے بعد سبھی طلبہ و طالبات کو ادارے سے خبر بھیجی جائے گی یہ خبر چاہے فارم کا سلیکشن نام لکھانے کے لیے ہو یا نہ ہو ویسے طلبہ و طالبات جن کا اس سال کسی وجہ کر فارم سلیکشن نہیں ہوتا ہے تو اگلے سال ان بچوں کو نام لکھوانے کے لیے اول ترجیح دی جائے گی

ووٹر ادھیکار یاترا کی اختتامی تقریب میںگٹھ بندھن کی تمام اتحادی جماعتوں کے نمائندے شرکت کریں گے: کھیڑا

 

پٹنہ 31 اگست : آل انڈیا کانگریس کمیٹی کے میڈیا چیف اور سینئر لیڈر پون کھیڑا نے اتوار کو کہا کہ بہار میں انڈیا اتحادکی ووٹرادھیکاریاترا ریاست کے شہریوں اور رائے دہندوں کی حمایت سے بہت کامیاب رہی ہے اور یکم ستمبر کو اس کی اختتامی تقریب میں تمام اتحادی جماعتوں کے نمائندے شرکت کریں گے۔

مسٹر کھیڑا نے کہا کہ یاترا کے آخری دن اختتامی تقریب میں شیو سینا سے سنجے راوت اور ترنمول کانگریس (ٹی ایم سی) کے ایم پی یوسف پٹھان کے آنے سے اتحاد کی زیادہ تر پارٹیوں کی نمائندگی مکمل ہو جائے گی۔

پریس کانفرنس میں ایک سوال کا جواب دیتے ہوئے کانگریس کے میڈیا سربراہ نے کہا کہ الیکشن کمیشن کا یہ بیان کہ ووٹر لسٹ خصوصی نظر ثانی (ایس آئی آر) کے بعد بہت کم شکایات آئی ہیں غلط ہے اور اعداد و شمار کے مطابق 89 لاکھ تحریری شکایات درج کی گئی ہیں۔ انہوں نے کہا کہ ان کا اتحاد اس معاملے میں الیکشن کمیشن کے جواب کا انتظار کر رہا ہے۔

مسٹر کھیڑا نے کہا کہ اس قدرافراتفری ہے کہ 65 لاکھ ووٹروں نے 89 لاکھ تحریری شکایات درج کرادیں ہیں۔ الیکشن کمیشن اور بھارتیہ جنتا پارٹی (بی جے پی) نے شکایات سے بچنے کی پوری کوشش کی، لیکن پھر بھی لوگوں نے اپنی شکایات کا پولندہ بوتھ لیول آفیسر (بی ایل او) کوسونپ دیا۔ اس کے بعد الیکشن کمیشن نے لوگوں سے ذاتی طور پر شکایات درج کرانے کو کہا۔ انہوں نے کہا کہ یہ بی جے پی اور الیکشن کمیشن کی ایک منصوبہ بند حکمت عملی تھی، تاکہ شکایات کو کم کیا جاسکے۔

کانگریس کے میڈیا سربراہ نے کہا کہ ایس آئی آر کے وقت آدھار کارڈ کو قبول نہیں کرنے کی وجہ سے ووٹروں کو کافی مشکلات کا سامنا کرنا پڑا۔ ان سے شناخت کے طور پر زمین کے کاغذات، رہائشی اور ذات کے سرٹیفکیٹ مانگے گئے۔ جن ووٹرز کے پاس یہ کاغذات نہیں تھے وہ اپنے بلاک میں ڈویلپمنٹ آفیسر کے دفتر کے چکر لگاتے رہے لیکن وہاں بھی انہیں بتایا گیا کہ نئے سرٹیفکیٹ اور کاغذات انتخابات کے بعد بنائے جائیں گے۔

مسٹر کھیڑا نے کہا کہ جب ووٹر ریویژن شروع ہوا تو کہا گیا کہ بہار میں بہت سے درانداز آئے ہیں اور یہاں تک کہ مرے ہوئے لوگوں کو بھی فہرست سے نکالنا ہے، لیکن سچائی یہ ہے کہ الیکشن کمیشن کی فہرست میں کوئی درانداز نہیں ملا اور بہت سے مردہ ووٹروں کو ووٹرادھیکار یاترا کے دوران لوک سبھا میں اپوزیشن لیڈر راہل گاندھی کے ساتھ چائے پیتے دیکھا گیا۔

مسٹر کھیڑا نے کہا کہ الیکشن کمیشن نے ایس آئی آر سے پہلے ہی اعلان کر دیا تھا کہ بہار میں 20 فیصد ووٹروں کے نام حذف کیے جائیں گے۔ یہ ایک مقررہ نمبر تھا جسے بی جے پی اور الیکشن کمیشن حذف کرنے کا کام کر رہے تھے۔ انہوں نے کہا کہ کل 90540 بوتھوں پر 65 لاکھ ووٹروں کے نام حذف کئے گئے ہیں۔ اس فہرست میں وہ ووٹرز شامل ہیں جو نقل مکانی کر گئے، فوت ہو گئے، اپنے پتے سے غائب تھے اور دو جگہوں پر رجسٹرڈ تھے۔ اس فہرست کے باوجود، بہت سے ووٹروں کے پاس اب بھی دو ای پی آئی سی موجود ہیں، بہت سے مردہ لوگ اب بھی زندہ ہیں اور کئی کو دستاویزات کے نام پر ووٹر لسٹ سے نکال دیا گیا ہے۔

کانگریس کے میڈیا سربراہ نے کہا کہ اگر بہار میں درانداز آئے ہیں تو وزیر داخلہ امت شاہ کو ووٹروں کو ہراساں کرنے سے پہلے استعفیٰ دے دینا چاہیے۔ انہوں نے کہا کہ تمام کاغذات الیکشن کمیشن کو بھیجے جا رہے ہیں اور اگر تصحیح کی آخری تاریخ یکم ستمبر کے بعد بھی حالات نہیں بدلتے ہیں تو کانگریس اور اس کا اتحاد نئے سرے سے یہ لڑائی شروع کرے گا۔ یہ پوچھے جانے پر کہ اگلا قدم کیا ہوگا، مسٹر کھیڑا نے کہا کہ الیکشن کمیشن کا نیا رویہ سامنے آنے کے بعد نئی حکمت عملی کا خلاصہ کریںگے۔

کانگریس کے میڈیا سربراہ نے کہا کہ بہار میں بی جے پی خوفزدہ ہے اور اسی خوف کی وجہ سے ان کے کارکنوں نے کچھ دن پہلے صداقت آشرم پر دو وزراءکی قیادت میں حملہ کیا۔ انہوں نے کہا کہ یہ حملہ کانگریس پر نہیں بلکہ بہار کی صدیوں پرانی وراثت پر ہے۔ انہوں نے کہا کہ صداقت آشرم مولانا مظہر الحق نے بنایا تھا اور ملک کے پہلے صدر ڈاکٹر راجندر پرساد اپنے آخری دنوں میں یہاں مقیم تھے۔ انہوں نے کہا کہ کانگریس اور راشٹریہ سویم سیوک سنگھ کے درمیان لڑائی سو سال پرانی ہے اور مزید سو سال تک جاری رہے گی۔

کانگریس کے میڈیا ہیڈ نے کہا کہ نئی تحقیق میں کچھ اور انکشافات سامنے آئے ہیں۔ ایس آئی آر کے دوران غریبوں اور محروموں کے نام حذف کئے گئے لیکن اس کے ساتھ 7613 ایسے بوتھ ہیں جہاں سے 70 فیصد خواتین کے نام بھی حذف کر دیے گئے۔ انہوں نے کہا کہ مسلسل نئے انکشافات نے بی جے پی کی راتوں کی نیندیں اڑا دی ہیں اور اس کا اثر نہ صرف بہار بلکہ پورے ملک میں محسوس ہوگا۔

مسٹرکھیڑا نے آخر میں طنز کیا کہ وزیر اعظم مودی کی امریکہ کے ساتھ جگل بندی ختم ہو گئی ہے اور وزیر اعظم دوبارہ چین کے سب سے بڑے لیڈر کے ساتھ ہاتھی پر گھومتے نظر آئیں گے۔

ووٹرادھیکار یاترا میں شامل ہونے کو تیار ہے پٹنہ مہانگر کانگریس کارکنان: ششی رنجن

 

پٹنہ مہا نگر کانگریس یاترا کو کامیاب بنانے کیلئے پوری طرح پر عزم: ہیمنت چترویدی

پٹنہ، 31 اگست:یکم ستمبر کو منعقد ہونے جا رہے ووٹرس ادھیکار یاتراکے اختتامی تقریب میں پٹنہ مہانگر کانگریس کے ہزاروں کارکن بھرپور جوش و خروش کے ساتھ شامل ہوں گے۔ یہ بات پٹنہ مہانگر کانگریس کمیٹی کے صدر ششی رنجن نے پریس سے خطاب کرتے ہوئے کہی۔

اس موقع پر مہانگر کانگریس صدر ششی رنجن کے ساتھ تمام اہم صدور اور عہدیداران کی موجودگی رہے گی۔ اسی کے ساتھ بانکی پور اسمبلی کے ممکنہ امیدوار ہمنت چترویدی بھی اپنے سیکڑوں حامیوں کے ساتھ پروگرام میں شامل ہوں گے اور یاترا کو تاریخی بنانے میں اہم کردار ادا کرنے کے عزم کو دہرایا۔

ہمنت چترویدی نے کہا کہ یہ یاتراآئین اور جمہوریت کے تحفظ کے لیے ایک عوامی تحریک کی علامت بنے گی اور پٹنہ مہانگر کانگریس اسے کامیاب بنانے کے لیے پوری طرح پرعزم ہے۔پریس کانفرنس کے دوران منوج منڈل، کملیش پانڈے، نیرج پنڈت وغیرہ بھی موجود تھے۔

کانگریس دفتر پر بی جے پی کارکنان کی جانب سے حملہ انتہائی قابل مذمت : عطاءالرحمن

 

پٹنہ( پریس ریلیز )کانگریس کے سنیئر لیڈر اویڈووکیٹ محمد عطاءالرحمن نے آج کہاکہ بھارتیہ جنتا پارٹی (بی جے پی) کے غنڈہ عناصر کی جانب سے کانگریس دفتر پر کی گئی پتھر بازی اور لاٹھی حملہ انتہائی شرمناک اور جمہوری اقدار پر حملہ ہے۔ کانگریس پارٹی اس بزدلانہ حرکت کی سخت مذمت کرتی ہے۔

 مسٹر رحمن نے کہاکہ یہ واقعہ اس بات کا ثبوت ہے کہ بی جے پی کانگریس کی بڑھتی ہوئی عوامی مقبولیت اور ووٹرادھیکار یاترا“کی تاریخی کامیابی سے خوف زدہ ہو گئی ہے۔ ملک بھر میں اس یاترا کو غیر معمولی عوامی پذیرائی حاصل ہو رہی ہے اور عوام جس جوش و خروش کے ساتھ کانگریس کے ساتھ کھڑے ہیں، اس نے بی جے پی کی نیندیں اڑا دی ہیں۔

کانگریس لیڈر مسٹر رحمن کا کہنا ہے کہ یہ عوامی حمایت دراصل راہل گاندھی کی انتھک محنتوں اور جدوجہد کا نتیجہ ہے، جو دن رات عوام کے مسائل اجاگر کرنے اور جمہوریت کی بقا کے لیے میدان میں ہیں۔

بی جے پی کو یہ بخوبی علم ہے کہ کانگریس کی بڑھتی ہوئی مقبولیت ان کے سیاسی زوال کی نشانی ہے۔ یہی وجہ ہے کہ بوکھلاہٹ میں وہ پرتشدد کارروائیوں پر اتر آئی ہے۔ مگر یاد رہے، ایسے اوچھے ہتھکنڈوں سے نہ تو کانگریس پیچھے ہٹے گی اور نہ ہی عوام کی آواز دبائی جا سکے گی۔

پرشانت کشور کے بہار بدلاؤ سبھا کو لیکر ضلع صدر کے نگرانی میں میٹنگ

 پرشانت کشور کے بہار بدلاؤ سبھا کو لیکرآج ضلع صدر کے نگرانی میں میٹنگ کی گئی جس میں اقلیتوں کے لیڈر گورا بورام ممکنہ امیدوار ڈاکٹر اتخار دربھنگہ گرامین ممکنہ امیدوار ڈاکٹر شعیب خان یوتھ صدر ممتاز انصاری نگر جنرل سکریٹری محمد شوکت جالے اسمبلی ممکنہ امیدوار آمنہ شافی علی اکبر سابق ضلع پریشد محمد شمیم اللہ خان لوام سرپنچ محمد فیض متحرک لیڈر اسلم انصاری قائد ملت ایڈووکیٹ شاہد اطہر ممکنہ امیدوار دربھنگہ شہری اسمبلی حلقہ منی گاچھی صدر پروفیسر مدنی دربھنگہ ضلع محرم کمیٹی صدر محمد عاقب نظر کے علاوہ کافی تعداد میں شامل ہوئے ۔ سبھی لوگوں نے ایک ساتھ تن من دھن اور پورے جوش و خروش کے ساتھ اس پروگرام کو کامیاب بنایا جائے گا- ضلع صدر محمد عامر حیدر نے کہا کہ یہ اقلیتوں کے حق حقوق کی لڑائی ہے صدر نے بتایا کہ اس پروگرام کو یادگار بنانے کے لئے اسمبلی لیول کی پانچ رکنی کمیٹی کی تشکیل کل تک کر دی جا گئی یہ بھی مشورہ میں آیا ہے کے بڑی تعداد میں اقلیتوں کے لوگوں کو پارٹی میں شامل کرایا جا سکتا ہے ۔ وہیں مشورہ میں ایک بہترین مشاعرہ کرانے پے بھی باتیں ہو رہی ہے۔ اخر میں ایڈووکیٹ شاہد اطہر نے کہا کل تک جگہ کا تعین کر لیا جائے گا-

ووٹ چوری کسی قیمت پر برداشت نہیں کی جائے گی: ہیمنت چترویدی

پٹنہ: پٹنہ ضلع کانگریس کمیٹی کی جانب سے یکم ستمبر کو ہونے والی ”ووٹر ادھیکار یاترا“کی تیاری کے سلسلے میں ایک اہم اجلاس منعقد ہوا، جس میں بانکی پور اسمبلی کے ممکنہ امیدوار ہیمنت چترویدی نے الزام لگایا کہ بی جے پی اور الیکشن کمیشن ووٹ چوری کی سازش کر رہے ہیں۔ انہوں نے کہا کہ ”کانگریس کسی بھی صورت میں عوام کے حق رائے دہی کے ساتھ ہونے والی چھیڑ چھاڑ برداشت نہیں کرے گی۔

انہوں نے کارکنوں اور عوام سے اپیل کی کہ جمہوریت کی مضبوطی کے لیے ہر شہری کا حق رائے دہی محفوظ رہنا چاہیے اور اس کے لیے کانگریس مسلسل جدوجہد کر رہی ہے۔ اجلاس میں پٹنہ مہا نگر کانگریس کمیٹی کے صدر ششی رنجن، انچارج روپ چند جین، سینئر لیڈر محمد رفیق احمد سمیت کئی رہنما اور کارکن شریک ہوئے۔ اجلاس میں ووٹر ادھیکار یاترا کو کامیاب بنانے کی حکمت عملی پر تفصیلی بات چیت کی گئی اور عوام سے زیادہ سے زیادہ تعداد میں شریک ہونے کی اپیل کی گئی۔

شمائل احمد اور راجیہ سبھا رکن ہرش مہاجن اسپورٹ کلائمبنگ فیڈریشن آف انڈیا کے نئے مشیر مقرر

 

پٹنہ : اسپورٹ کلائمبنگ فیڈریشن آف انڈیا ( ایس سی ایف آئی) کے جنرل سکریٹری کرنل ڈاکٹر ایس۔پی۔ ملک نے فخر کے ساتھ اعلان کیا ہے کہ تین ممتاز شخصیات کو فیڈریشن کے مشیر کے طور پر شامل کیا گیا ہے۔ان میں سب سے پہلے سید شمائل احمد، صدر اسپورٹ کلائمبنگ ایسوسی ایشن آف بہار اور قومی صدر پرائیویٹ اسکول اینڈ چلڈرن ویلفیئر ایسوسی ایشن (جس سے ملک بھر کے دو لاکھ سے زائد اسکول وابستہ ہیں) شامل ہیں، جنہیں فیڈریشن کا مشیر مقرر کیا گیا ہے۔

اسی کے ساتھ درج ذیل شخصیات کو بھی مشیر بنایا گیا ہے:ہرش مہاجن، معزز رکنِ پارلیمان (راجیہ سبھا)، جنہیں طویل سیاسی تجربہ حاصل ہے۔پدم شری مرلی کانت پیٹکر، بھارت کے پہلے پیرا اولمپک طلائی تمغہ یافتہ، ارجن ایوارڈ یافتہ اور چندو چیمپئن کے نام سے مشہور عظیم کھلاڑی۔ان تینوں عظیم شخصیات کی شمولیت نہ صرف فیڈریشن کی ساکھ کو مزید مستحکم کرے گی بلکہ ملک بھر میں اسپورٹ کلائمبنگ کو مقبول بنانے کی سمت ایک نیا باب بھی رقم کرے گی۔

اس موقع پر ملک بھر سے مبارکبادی پیغامات موصول ہو رہے ہیں۔ خصوصی مبارکباد کے پیغام درج ذیل شخصیات کی جانب سے آئے ہیں بریگیڈیئر ایم۔پی۔ یادو، سینئر نائب صدر، فیڈریشن،سیدعباالرحمن، بہار کے پہلے قومی اسپورٹ کلائمبر اور سکریٹری، اسپورٹ کلائمبنگ ایسوسی ایشن آف بہار،کرنل ڈاکٹر ایس۔پی۔ ملک، جنرل سکریٹری، فیڈریشن۔اس کے علاوہ پورے بھارت سے فیڈریشن کو نیک خواہشات کے پیغامات موصول ہو رہے ہیں، جو اس تاریخی لمحے کو بھارتی اسپورٹ کلائمبنگ کے لیے ایک سنگِ میل ثابت کر رہے ہیں۔فیڈریشن نے اپنے نئے مشیروں کا پرجوش خیر مقدم کرتے ہوئے اس عزم کا اعادہ کیا کہ بھارت میں اسپورٹ کلائمبنگ کو نئی بلندیوں تک پہنچایا جائے گا۔

فرضی ووٹروں کو فہرست سے نکالنا اور ہر شہری کو اس کے ووٹ کا حق دلانا ہمارا عزم : ہیمنت چترویدی

 

ووٹر ادھیکار یاترا کی کامیابی میں بانکی پور اسمبلی کے کانگریس کارکنان جی جان سے مصروف

پٹنہ 18 اگست ( پریس ریلیز )بہار میں جمہوری حقوق کو مضبوط بنانے اور جعلی ووٹر فہرست کے خلاف جاری ” ووٹر ادھیکار یاترا “کے تحت ایک شخص ایک ووٹ ۔جعلی ووٹ نہیں“مہم کا آغاز کیا گیا ہے۔ یہ یاترا 17 اگست کو سہسرام سے شروع ہوئی تھی اور یکم ستمبر کو پٹنہ کے گاندھی میدان میں منعقد ہونے والے عظیم الشان اجلاس کے ساتھ اس کا تاریخی اختتام ہوگا۔

بانکی پور بلاک کانگریس کے صدر و بانکی پور اسمبلی حلقہ کے ممکنہ امیدوار مسٹرہیمنت چترویدینے اپنی پوری ٹیم کے ساتھ عکاقت میں وسیع پیمانے پر عوامی رابطہ مہم کا آغاز کیا۔ اس مہم کے ذریعے عوام کو ووٹر لسٹ کی درستی اور ایک شخص ایک ووٹ کے جمہوری اصول کی اہمیت سے آگاہ کیا جائے گا۔

مسٹر ہیمنت چترویدی نے کہا کہ:جمہوریت تبھی مضبوط ہوگی جب ہر شہری کا ووٹ محفوظ اور شفاف ہوگا۔ جعلی ووٹروں کو فہرست سے نکالنا اور ہر شہری کو اس کا حقِ رائے دہی دلانا ہمارا عزم ہے۔

اس مہم کے تحت گھر گھر رابطہ، پمفلٹ کی تقسیم، نکڑ سبھائیں اور عوامی گفتگو کے پروگرام منعقد کیے جائیں گے۔ اس کا مقصد عوام کو بیدار کرنا ہے تاکہ وہ اپنے ووٹ کی اہمیت کو سمجھیں اور انتخابات میں شفافیت کو یقینی بنانے میں شریک ہوں۔

جن سوراج غیر بی جے پی ووٹوں سے اقتدار میں تبدیلی لائے گا۔ ایڈوکیٹ شاہد اطہر

 

دربھنگہ:- جس طرح سے مولانا مظہر الحق آڈیٹوریم حج بھون پٹنہ میں منعقدہ بہار بدلاؤ سیمینار میں ریاست کے کونے کونے سے مسلمانوں کے ایک بڑے گروپ نے شرکت کی، اس سے مہاگٹھ بندھن کی نیندیں اڑ گئیں۔ اب انہیں نہ صرف یہ احساس ہو گیا ہے بلکہ یقین ہو گیا ہے کہ مسلمانوں کو زیادہ دیر تک بے وقوف نہیں بنایا جا سکتا۔ یہ باتیں دربھنگہ شہری اسمبلی حلقہ سے جن سوراج پارٹی کے ممکنہ امیدوار ایڈوکیٹ شاہد اطہر عرف پپو انصاری نے پٹنہ پروگرام سے واپسی کے بعد جاری پریس ریلیز میں کہیں۔ ایڈوکیٹ شاہد اطہر نے کہا کہ جس طرح سے مسلمانوں نے کل حج بھون میں شرکت کی اس سے یہ اشارہ ملتا ہے کہ یو پی اے یا این ڈی اے حکومت کے تحت بہار میں تعلیم، نقل مکانی، روزگار پر کام نہ کرکے بہار کو تباہی، ذات دھرم پرستی، بدعنوانی کی طرف دھکیل دیا گیا ہے اور یہ 2025 میں ہی ختم ہوجائے گا۔ ایڈووکیٹ شاہد اطہر نے کہا کہ جن سوراج پارٹی میں زمینی سطح کے کارکنوں کو ہی ٹکٹ دیا جائے گا، اوپر سے کوئی امیدوار مسلط نہیں کیا جائے گا۔ دربھنگہ شہر کے تمام برادریوں کے بزرگوں، نوجوانوں، مردوں اور خواتین میں اپنی گرفت رکھنے والے ممکنہ امیدوار ایڈوکیٹ شاہد اطہر نے کھل کر کہا ہے کہ اگر پارٹی مجھے ٹکٹ دیتی ہے تو دربھنگہ شہر متھیلا کی سب سے گرم سیٹ ہوگی اور میں بے تحاشہ ووٹوں سے جیت کر پارٹی اور لیڈر پرشانت کشور کے ہاتھ مضبوط کروں گا۔ پارٹی منشور کے ساتھ ساتھ یہاں کے عوام کے لیے میں اپنا منشور بھی جاری کروں گا اور اس پر عمل درآمد میں کوئی کسر نہیں چھوڑوں گا۔ معلوم رہے کہ سیاسی نمائندگی اور اسمبلی الیکشن 2025 پروگرام کو کامیاب بنانے میں بہار کے کونے کونے کے لوگوں کے علاؤہ دربھنگہ ضلع سے ایڈووکیٹ صبیح محمود ، محمد صبید ، محمد لاڈلے، کریم خان ، صدرے انصاری ، آمنہ شافی، محمد ڈاکٹر افتخار ، مدنی ودود ، منیر الہدی مکھیا جی، ڈاکٹر شعیب خان ، محمد شوکت ، عاقب نظر ، کے ساتھ ساتھ ضلع صدر عامر حیدر کا اہم رول رہا ہے

ملک وریاست کے باشندوں بالخصوص اساتذہ و طلباءکو یوم آزادی کی دلی مبارکباد