مصر: عرب ملک فلسطینی جبری انخلا کے ٹرمپ منصوبے کو قبول نہیں کرتے

 

مصر کے وزیر خارجہ کی امریکہ میں اپنے ہم منصب مارکو روبیو کے ساتھ ملاقات کے بعد مصری وزارت خارجہ نے جاری کردہ بیان میں بتایا ہے کہ فلسطینیوں کی طرف سے جبری انخلا کے منصوبے کو مسترد کرنے کے موقف کی عرب ممالک حمایت کرتے ہیں۔

مصری وزارت خارجہ کے بیان میں یہ بھی کہا گیا ہے کہ مصر کی طرف سے امریکی وزیر خارجہ کو اس بارے میں مصری اور عرب ملکوں کے مو¿قف سے آگاہ کر دیا گیا ہے۔ غزہ سے فلسطینیوں کے جبری انخلا اور غزہ کا کنٹرول امریکہ کے پاس آنے کو بھی قبول نہیں کرتے۔

واضح رہے امریکی صدر ڈونلڈ ٹرمپ نے غزہ کی صفائی کے لیے فلسطینیوں کو 20 لاکھ کی تعداد میں مصر اور اردن میں منتقل کر دینے کا منصوبہ پیش کیا ہے۔ جس پر پوری دنیا کے ساتھ ساتھ امریکہ و اسرائیل سے بھی رد عمل سامنے آرہا ہے۔

مصر کے وزیر خارجہ اس سلسلے میں اپنا موقف پیش کرنے اتوار کے روز امریکہ پہنچے تھے۔ اردن کے شاہ عبداللہ دوم بھی امریکہ پہنچنے والے ہیں تاکہ وہ بھی براہ راست صدر ٹرمپ کو اپنے ملک کے مو¿قف سے آگاہ کر سکیں۔

مصر اور امریکہ کے وزرائے خارجہ کی یہ ملاقات پیر کے روز واشنگٹن میں ہوئی ہے۔ ملاقات میں امریکہ کی طرف سے غزہ کی تعمیر نو کے عمل کے لیے کوششوں کو تیز کرنے پر زور دیا گیا۔ اس موقع پر مصر کے وزیر خارجہ نے کہا ان کا ملک امریکی انتظامیہ کے ساتھ مشرق وسطیٰ میں پائیدار امن کے قیام کے لیے کام کرنا چاہتا ہے۔

وزارت خارجہ کے جاری کردہ بیان کے مطابق وزیر خارجہ نے واشنگٹن میں مشرق وسطیٰ کے لیے امریکی نمائندہ سٹیو وٹکوف سے بھی ملاقات کی ہے۔ ان کے سامنے بھی مصر اور عرب ملکوں کے فلسطینی انخلا کے بارے میں مو¿قف کا اظہار کیا گیا۔

علاوہ ازیں مصر کی وزارت خارجہ نے کہا ہے کہ بین الاقوامی برادری کو مل کر فلسطینیوں کے حق کے لیے ان کے ساتھ کھڑے ہونا چاہیے۔ کیونکہ فلسطینی عوام ایک تاریخ بے انصافی کا ہدف ہیں۔ یاد رہے ٹرمپ کے فلسطینیوں کو غزہ سے نکالنے کے منصوبے کی ہر جگہ سے مذمت کی جارہی ہے۔

ادھر 'فاکس نیوز' پر ماہرین نے گفتگو کرتے ہوئے کہا ہے ' امریکی صدر کے منصوبے میں فلسطینیوں کو واپس غزہ آنے کا حق نہیں ہوگا۔'

ٹرمپ کی دھمکی کی کوئی حیثیت نہیں ، معاہدے کا احترام لازم ہے : حماس

 

فلسطینی تنظیم حماس کے رہنما سامی ابو زہری نے باور کرایا ہے کہ "امریکی صدر ڈونلڈ ٹرمپ کو یاد رکھنا چاہیے کہ ایک معاہدہ ہے جس کا احترام دونوں فریقوں پر لازم ہے، یہ قیدیوں کی واپسی کا واحد راستہ ہے"۔

آج منگل کے روز ایک بیان میں ابو زہری نے زور دے کر کہا کہ "دھمکیوں کی زبان کی کوئی حیثیت نہیں ہے، یہ معاملات کو مزید پیچیدہ بناتی ہے"۔

حماس کا رد عمل امریکی صدر کے تازہ انتباہ کے جواب میں آیا ہے جس میں ڈونلڈ ٹرمپ نے کہا کہ "فائر بندی معاہدے کے مطابق اگر ہفتے کے روز اسرائیلی قیدیوں کو رہا نہ کیا گیا تو وہ 'جہنم کے دروازے' کھول دیں گے"۔

حماس نے اسرائیل پر معاہدے کی شقوں کی خلاف ورزی کا الزام عائد کرتے ہوئے مذکورہ قیدیوں کی رہائی کو ملتوی کر دیا ہے۔

ٹرمپ نے اپنی دھمکی میں واضح کیا کہ اگر آئندہ ہفتے کے روز دوپہر 12 بجے تک غزہ سے تمام یرغمالیوں کو واپس نہ کیا گیا تو وہ فائر بندی معاہدے کی منسوخی کا مطالبہ کر دیں گے۔

اسی طرح ٹرمپ نے یہ اشارہ بھی دیا کہ اگر مصر اور اردن نے غزہ کے پناہ گزینوں کا استقبال نہ کیا تو وہ ان دونوں ممالک کی امداد روک سکتے ہیں۔

دوسری جانب حماس نے باور کرایا ہے کہ اسرائیل فائر بندی معاہدے کی شقوں کی پاسداری نہیں کر رہا ہے۔ ان میں بے گھر افراد کی غزہ کی پٹی کے شمال کی سمت واپسی میں تاخیر، غزہ کی پٹی کے مختلف علاقوں میں بم باری اور فائرنگ اور معاہدے میں طے شدہ طریقے کے مطابق امدادی سامان کو تمام صورتوں میں داخلے کو روکنا شامل ہے۔

دوسری جانب اسرائیلی وزیر اعظم بنیامین نیتن یاہو کے دفتر کا کہنا ہے کہ اسرائیل غزہ میں فائر بندی معاہدے پر قائم ہے، تاہم انھوں نے حماس کی جانب سے معاہدے کی کسی بھی خلاف ورزی سے خبردار کیا

شام سے فرار اور حکومت کے سقوط پر بشارالاسد کے بیٹے کے چشم کشا انکشافات

 

شام میں برسوں تک سیاہ وسفید کے مالک رہنے والے اسد خاندان کے پچھلے سال آٹھ دسمبر کو سقوط کے بعد بشارالاسد اور ان کے خاندان کے روس فرار کی تفصیلات گاہے گئے میڈیا پر آتی رہتی ہیں۔

اس حوالے سے مختلف زاویوں سے تفصیلات سامنے آتی رہیں، جن کی تازہ کڑی بشارالاسد کے بیٹے حافظ الاسد کے نام سے ’ایکس‘ پلیٹ فارم پر بنے اکاو¿نٹ سےآنے والے تفصیلات ہیں۔

شام کے سابق مفرور صدر بشار الاسد کے بیٹے "حافظ الاسد" کے نام سے ایک تصدیق شدہ اکاو¿نٹ نے سوشل میڈیا پر اس وقت ایک ہنگامہ برپا کردیا جب اس نے شامی حکومت کے خاتمے اور ان کے ماسکو فرار ہونے سے پہلے کے آخری لمحات کی تفصیلات شائع کیں۔

"خزاں کی رات کی تفصیلات" کے عنوان سے شائع پوسٹ ایک گھنٹہ سے بھی کم وقت کے بعد X پلیٹ فارم سے حذف کردی گئی۔کسی سرکاری رد عمل کے بغیر ہی اکاو¿نٹ بند کر دیا لیکن ایوا کیرن بارٹلیٹ نامی ایک امریکی صحافیہ نے تصدیق کی کہ جس اکاو¿نٹ نے یہ تفصیلات ’ایکس‘ پلیٹ فارم اور ٹیلی گرام پر شائع کی ہیں وہ دراصل حافظ الاسد کا ہے۔

اسد کی حامی صحافیہ نے اپنے فیس بک اکاو¿نٹ پر کہاکہ "میں تصدیق کر سکتی ہوں کہ یہ اکاو¿نٹ حقیقی ہے جعلی نہیں۔ ہم حال ہی میں رابطے میں تھے۔ مجھے معلوم تھا کہ وہ یہ چینل ٹیلی گرام کے ساتھ ساتھ X پلیٹ فارم پر اپنا اکاو¿نٹ بنانے والا ہے"۔

"دمشق سے فرار"

حافظ الاسد کے اس اکاو¿نٹ کی تصدیق ’بلیو ٹیک‘کے ساتھ کی گئی تھی۔ اس نے اکاو¿نٹ پر لکھا کہ دمشق چھوڑنے کا کوئی منصوبہ نہیں تھا، یہاں تک کہ کوئی بیک اپ بھی نہیں تھا۔

انہوں نے مزید کہا کہ "گذشتہ 14 سالوں میں شام ایسے حالات سے گذزا ہے جو نومبر کے آخر اور دسمبر کے شروع میں گذرے حالات سے کم مشکل اور خطرناک نہیں تھے۔ جو بھی فرار ہونا چاہتا تھا وہ ان برسوں میں ملک سے نکل گیا۔ خاص طور پر پہلے سالوں میں جب دمشق کا تقریبا محاصرہ کیا گیا اور روزانہ بمباری کی جاتی تھی۔دہشت گرد اس کے مضافات میں تھے، اور ان کے دارالحکومت تک پہنچنے کے تمام امکانات موجود تھے مگر اس وقت بھی بشارالاسد نے ملک نہیں چھوڑا"۔

اکاو¿نٹ پر لکھی پوسٹ میں کہا گیا کہ "حالیہ واقعات شروع ہونے سے پہلے میں نے 29 نومبر کو اپنے پی ایچ ڈی کے مقالے کے لیے شام ونگز ایئر لائنز پر 20 نومبر کو دمشق سے ماسکو کا سفر کیا۔ میری والدہ (اسمائ الاسد) اس وقت ماسکو میں تھیں جو ہڈیوں کی پیوند کاری کے بعد موسم گرما کے آخر میں علاج کروا رہی تھیں۔ ڈگری سے متعلق کچھ طریقہ کار کو مکمل کرنے کے لیے مجھے ڈاکٹریٹ کے بعد کچھ دیر ماسکو میں ٹھہرنا تھا، لیکن شام میں حالات خراب ہونے کی وجہ سے میں اتوار یکم دسمبر کو شامی ایئر لائنز کے ذریعے دمشق واپس آگیا تاکہ اپنے والد اور اپنے بھائی کریم کے ساتھ رہوں، میری والدہ اپنا علاج مکمل کرنے کے لیے ماسکو میں رہیں۔ ان کے ساتھ بہن زین کو چھوڑا گیا‘۔

حکومت کے زوال کی تفصیلات

اس کے بعد ’ ایکس‘ اکاو¿نٹ پر شامی حکومت کے زوال کی تفصیلات شائع کی گئیں جب اسد رجیم مسلح دھڑوں کے ہاتھوں اپنے انجام کو پہنچی۔ اس نے لکھا کہ"جہاں تک ہفتہ 7 اور 8 دسمبر کے واقعات کا تعلق ہے تو ہفتے کی صبح میرے بھائی نے دمشق میں ہائر انسٹی ٹیوٹ برائے اپلائیڈ سائنسز اینڈ ٹیکنالوجی میں ریاضی کا امتحان دیا جہاں وہ پڑھ رہا تھا۔ میں خود کو اگلے دن کام پر واپس جانے کے لیے تیار کر رہا تھا۔ میری بہن نے اگلے دن شام کی ایئر لائنز کا ٹکٹ بک کرایا“۔

اس نے وضاحت کی کہ "ہفتے کی سہ پہر افواہیں پھیل گئیں کہ ہم ملک سے فرار ہو گئے ہیں۔بہت سے لوگوں نے مجھ سے رابطہ کیا کہ تو میں نے بتایا کہ ہم دمشق میں ہیں۔ میں اس افواہ کی تردید کرنے کے لیے المہاجرین کے پڑوس میں واقع النیرابین پارک گیا اور اپنی ایک تصویر لی جو میں نے انسٹاگرام پر پوسٹ کی تاکہ لوگوں کو یقین ہو کہ میں دمشق میں ہوں۔ یہ تصویر سوشل میڈیا پر وائرل ہوگئی“۔

بیان میں کہا گیا ہے کہ "اس وقت تک دور دراز سے فائرنگ کی آوازوں کے باوجود جنگ کے پہلے ابتدائی عرصےے جیسی کوئی چیز نہیں تھی۔ حالات ایسے ہی جاری رہے جیسے کہ فوج دمشق کے دفاع کی تیاری کر رہی تھی۔حالات اس وقت تک خراب نہیں ہوئے جب تک حمص سے فوج کے انخلائ کی خبر نہ آئی۔ حمص کی طرف سے فوج کے انخلائ کی وجہ سے ہم حیران رہ گئے تھے‘۔

روسی اہلکار اور الاذقیہ جانے کی درخواست

بشار الاسد کے بیٹے نے اپنی پوسٹ میں اشارہ کیا کہ: "ایسی کوئی تیاری یا کوئی چیز نہیں تھی جس سے یہ باور کرایا جاتا کہ ہم وہاں سے چلے جائیں، یہاں تک کہ روس کی جانب سے ایک اہلکار آدھی رات کے بعد المالکی محلے میں واقع ہمارے گھر پر پہنچا۔ اس نے صدر سے الاذقیہ منتقل ہونے کی درخواست کی۔"

انہوں نے مزید کہا کہ "تھوڑی دیر کے بعد ہم دمشق کے بین الاقوامی ہوائی اڈے کی طرف روانہ ہوئے اور نصف شب کے بعد تقریباً تین بجے وہاں پہنچے۔ وہاں ہم اپنے چچا ماہر سے ملے، کیونکہ ہوائی اڈہ کنٹرول ٹاور سمیت ملازمین سے خالی تھا۔ پھر ہم روسی فوجی طیارے میں الاذقیہ چلے گئے، جہاں سے ہم فجر سے پہلے حمیمیم ہوائی اڈے پر اترے"۔

انہوں نے بتایا کہ کہ "اتوار کو دن کے ابتدائی اوقات میں ہمیں برج اسلام کے علاقے میں واقع صدارتی ریسٹ ہاو¿س کی طرف لے جایا گیا جو اڈے سے بذریعہ سڑک 40 کلومیٹر سے زیادہ دور ہے، لیکن کسی سے رابطہ کرنے کی کوششیں ناکام ہو گئیں"۔

"ماسکو روانگی "

انہوں نے زور دے کر کہا کہ اس وقت "وہ تمام فون بند کر دیے گئے تھے جنہیں کال کی جا رہی تھی۔دہشت گردوں کے ساتھ محاذ سے افواج کے انخلائ اور آخری فوجی مقامات کے سقوط کے بارے میں اطلاعات آنا شروع ہو گئیں۔ اسی وقت پے در پے ڈرون حملے شروع ہو گئے، اور اس کے آس پاس کے علاقے میں قریب اور دور سے گولہ باری شروع ہو گئی"۔

آخر میں حافظ الاسد نے کہا کہ "دوپہر میں ایئر بیس حکام کی قیادت نے ہمیں اس کے ارد گرد کی صورت حال کی سنگینی سے آگاہ کیا۔ہمیں بتایا کہ دہشت گردوں کے پھیلاو¿، افراتفری اور بیس کی حفاظت کے لیے ذمہ دار یونٹوں کے انخلائ کی وجہ سے اڈہ چھوڑنا ناممکن ہے۔ اس کے علاوہ ماسکو سے مشاورت کے بعد ہم نے ماسکو کو محفوظ طریقے سے ایک طیارہ روانہ کرنے کے لیے کہا جہاں ہم اتوار 8 کی رات ماسکو کے لیے روانہ ہوئے"۔

پوسٹ کی طوالت کی وجہ سے بہت سے شامیوں کی طرف سے اس پوسٹ کا مذاق اڑایا گیا، جس کا اختتام اس بیان پر ہوا کہ وہ 8 دسمبر کی صبح شام سے فرار ہو گئے تھے، جبکہ اکاو¿نٹس نے اس بات کی تردید کی تھی کہ یہ اکاو¿نٹ بشار الاسد کے بیٹے سے وابستہ تھا۔

میں ہمیشہ سے سعودی عرب کے دورے کا مشتاق تھا : احمد الشرع

 

شام کے عبوری صدر احمد الشرع نے ایک بار پھر اپنے ملک کے استحکام میں سعودی عرب کے کردار کی اہمیت باور کرائی ہے۔ ان کا یہ بھی کہنا تھا "میں ہمیشہ سے سعودی عرب جانے کا مشتاق تھا ، مجھے شہزادہ محمد بن سلمان کی جانب سے دورے کی دعوت موصول ہوئی"۔

الشرع نے یہ بات the rest is politics پوڈکاسٹ کے ساتھ ایک طویل انٹریو میں کہی۔

شامی صدر نے مزید کہا کہ "ذاتی طور پر سعودی عرب میرا آبائی علاقہ ہے اور جہاں تک ریاست کا تعلق ہے تو میں نے اس بات کو پسند کیا کہ پہلا دورہ ایک بڑے عرب ریاست کا کیا جائے لہذا میں نے شہزادہ محمد بن سلمان کی دعوت ملنے کے بعد سعودی عرب کا دورہ کرنا پسند کیا۔ اس کی وجہ خطے میں مملکت کا مقام اور اثر و رسوخ ہے"۔

الشرع کے دورے سے قبل شامی وزیر خارجہ نے جنوری کے اوائل میں ریاض کا دورہ کیا تھا۔

شامی صدر احمد الشرع نے سعودی عرب کے دورے اور ولی عہد شہزادہ محمد بن سلمان سے ملاقات کے بعد باور کرایا کہ شامی حکومت سعودی عرب کے ساتھ تمام شعبوں میں رابطوں اور تعاون کی سطح بڑھانے پر کام کر رہی ہے۔ الشرع کا کہنا تھا کہ "ہم نے سعودی عرب کے ساتھ توانائی، تعلیم، ٹیکنالوجی اور صحت کے شعبوں میں مستقبل کے منصوبوں پر بات چیت کی"۔

فوجی آپشن میز پر ہے: حماس کا ٹرمپ کو جواب

 

لبنان میں حماس کے میڈیا آفس کے انچارج، محمود طحہ نے تحریک حماس کی طرف سے ٹرمپ کے منصوبے کو دوٹوک طور پر مسترد کرنے کی تصدیق کی او ر اس کا مقابلہ کرنے کے لیے فوجی آپشن کی طرف اشارہ کیا۔

انہوں نے روسی "سپوتنک" ایجنسی کو بتایا کہ اس منصوبے کو فلسطینی عوام، یا عرب ممالک اور یورپی ممالک کی طرف سے کوئی قبولیت حاصل نہیں ہے جنہوں نے اسے مسترد کر دیا ہے۔

انہوں نے مزید کہا کہ حماس ان منصوبوں کا مقابلہ کرنے کے لیے اپنے فوجی آپشن کا اعلان کرتی ہے اور "اس سلسلے میں تمام آپشن کھلے ہیں۔"

انہوں نے اسرائیلی حکومت پر یہ بھی الزام لگایا کہ وہ جنگ بندی معاہدے پر عمل درآمد میں رکاوٹ ڈالنے کے لیے کام کر رہی ہے کیونکہ یہ خیموں اور پہلے سے تیار شدہ مکانات کے داخلے کو روک رہی ہے حالانکہ ان چیزوں کو لانے پر اتفاق کیا گیا تھا۔ انہوں نے یہ بھی کہا کہ یہ منصوبہ حماس اور فلسطینی عوام پر دباو¿ کے تناظر میں آیا ہے کہ وہ ا±ن اسرائیلی منصوبوں کے آگے سر تسلیم خم کر دیں جن کا مقصد انہیں اپنی سرزمین سے بے
گھر کرنا ہے۔ انہوں نے زور دے کر کہا کہ ٹرمپ کے منصوبے سے ملتا جلتا کوئی بھی منصوبہ اپنے سے پہلے کے منصوبوں کی طرح ناکامی سے دوچار ہو گا۔

قبل ازیں حماس کے سیاسی بیورو کے ایک رکن عزت الرشق نے کہا تھا کہ فلسطینی ان تمام منصوبوں کو ناکام بنا دیں گے جن کا مقصد انہیں بے گھر کرنا ہے۔ انہوں نے جاری کردہ ایک بیان میں مزید کہا کہ غزہ کوئی ایسی جائیداد نہیں ہے جسے خریدا اور بیچا جا سکے، بلکہ یہ مقبوضہ فلسطینی علاقوں کا اٹوٹ حصہ ہے۔ انہوں نے غزہ کی خریداری اور ملکیت کے بارے میں ٹرمپ کے بیانات کو مضحکہ خیز قرار دیا اور کہا کہ ٹرمپ کے بیانات فلسطین اور خطے کے بارے میں ان کی گہری جہالت کی عکاسی کرتے ہیں۔

یاد رہے 20 جنوری کو عہدہ سنبھالنے کے فوراً بعد ٹرمپ نے غزہ کا کنٹرول سنبھالنے اور بڑے پیمانے پر تعمیر نو کی کوششوں میں شامل ہونے کا خیال پیش کیا تھا۔ پھر اس نے اسی خیال کو کئی بار دہرایا۔ مصر اور اردن کی قیادت میں غزہ کے باشندوں کی بار بار کی مخالفت کے باوجود ٹرمپ غزہ کے فلسطینیوں کو بے دخل کرنے پر اصرار کر رہے ہیں۔

پٹنہ ہائی کورٹ نے دارالحکومت سمیت دیگر شہروں میں بڑھتے ہوئے صوتی آلودگی پر ریاستی حکومت کو سخت پھٹکار لگائی

 

پٹنہ، 11 فروری :پٹنہ ہائی کورٹ نے ریاست میں بڑھتی ہوئی صوتی آلودگی پر سخت رویہ اپناتے ہوئے بہار حکومت کو شدید تنقید کا نشانہ بنایا ہے۔ جسٹس راجیو رائے نے سورندر پرساد کی دائر کردہ درخواست پر سماعت کے دوران کہا کہ ریاست کے باشندے مسلسل مختلف قسم کی آلودگیوں کا شکار ہو رہے ہیں۔

عدالت نے دارالحکومت پٹنہ میں صوتی آلودگی پر سخت تبصرہ کرتے ہوئے کہا کہ اس مسئلے پر فوری توجہ دینے کی ضرورت ہے۔ اسی سلسلے میں عدالت نے سینئر وکیل اجے کو امیکس کیوری (عدالتی معاون) مقرر کیا تاکہ وہ عدالت کی بہتر معاونت کر سکیں۔ انہوں نے عدالت کو آگاہ کیا کہ آرکسٹرا، ڈی جے ٹرالی اور ثقافتی پروگرام کرنے والے افراد اس بات کو مکمل طور پر بھول چکے ہیں کہ وہ کس حد تک صوتی آلودگی پھیلا رہے ہیں۔

سینئر وکیل اجے نے عدالت کو مزید بتایا کہ صوتی آلودگی کو قابو میں رکھنے کے لیے جو قوانین بنائے گئے ہیں، ان میں اس کے خلاف پابندیوں کو واضح طور پر بیان کیا گیا ہے۔ ان کے مطابق، لاوڈ اسپیکر استعمال کرنے کے لیے باقاعدہ اجازت لینا ضروری ہے، اور خلاف ورزی کی صورت میں لاوڈ اسپیکر ضبط بھی کیے جا سکتے ہیں۔ لیکن اب لاوڈ اسپیکر کی جگہ ڈی جے سسٹمز نے لے لی ہے، جس سے صوتی آلودگی مزید خطرناک ہوگئی ہے۔

اجے نے عدالت کو آگاہ کیا کہ اب ایک ٹرالی میں کئی اسپیکر نصب کیے جاتے ہیں، جو شہر کے مختلف راستوں، اسپتالوں اور دیگر حساس علاقوں سے گزرتے ہیں۔ ان اسپیکرز سے نکلنے والی آواز کی شدت مقررہ حد سے ہزار گنا زیادہ ہوتی ہے، جس سے نہ صرف دل کے مریض اور بزرگ شہری متاثر ہو رہے ہیں بلکہ کچھ معاملات میں حاملہ خواتین کے اسقاطِ حمل کے واقعات بھی سامنے آئے ہیں۔

عدالت نے اس معاملے کو سنجیدگی سے لیتے ہوئے کہا کہ بہار میں پولوشن کنٹرول بورڈ کی تشکیل کی گئی ہے، اور صوتی آلودگی پر قابو پانے کے لیے اس سے باقاعدہ اجازت لینا لازمی ہے۔

سنیل سنگھ کو حکومت کے اشارے پر ہراساں کیاجارہا ہے : اعجا ز احمد

 

پٹنہ، 11 فروری :بہار پردیش راشٹریہ جنتا دل کے ترجمان اعجاز احمد نے الزام لگایا کہ بہار حکومت کے اشارے پر سابق قانون ساز کونسل کے رکن اور بسکومان کے سابق صدر ڈاکٹر سنیل کمار سنگھ کو مسلسل ہراساں کیا جا رہا ہے اور ان کے ساتھ دوہرا معیار اپنایا جا رہا ہے۔ جہاں حکمران جماعت کے لوگوں کو قواعد و ضوابط کی خلاف ورزی کرکے سرکاری رہائش فراہم کی جا رہی ہے، وہیں اپوزیشن کے سابق ایم ایل سی ڈاکٹر سنیل سنگھ کی رہائش گاہ کو زبردستی خالی کرایا جا رہا ہے۔ یہ حکومت کا کیسا انصاف ہے؟

انہوں نے مزید کہا کہ ڈاکٹر سنیل سنگھ کی قانون ساز کونسل کی رکنیت کے معاملے پر معزز سپریم کورٹ نے سماعت کے بعد فیصلہ محفوظ رکھا ہوا ہے۔ دوسری طرف، ان کی رہائش گاہ کو معزز پٹنہ ہائی کورٹ نے خالی کرانے پر روک لگا رکھی تھی، لیکن جب اس کی مدت ختم ہونے والی تھی، تو اس سے پہلے ہی حکومت نے صبح سویرے پولیس کے ذریعے زبردستی ان کا سامان کوارٹر سے باہر پھینکوا دیا اور ان کی غیر موجودگی میں رہائش گاہ کو خالی کرنے کا عمل شروع کر دیا گیا۔

ریاستی حکومت کا یہ رویہ واضح طور پر انتقامی کارروائی ہے۔ آخر حکومت ڈاکٹر سنیل سنگھ سے اتنا خوفزدہ کیوں ہے؟ اس سے پہلے بسکومان کے ڈائریکٹر کے انتخابات میں بھی انہیں مسلسل پریشان کیا گیا، لیکن جب دوبارہ گنتی کے بعد بھی ڈاکٹر سنیل سنگھ کے پینل کو اکثریت مل گئی، تب بھی مرکزی اور ریاستی حکومت نے صدر کے انتخاب کی تاریخ کا اعلان نہیں کیا۔ حکومت جب ووٹ کے ذریعے نہیں جیت سکی، تو اب نئے طریقے اپنا کر صدر کا انتخاب نہیں ہونے دے رہی، حالانکہ ڈائریکٹر کے انتخابات کا نتیجہ 24 جنوری کو ہی جاری ہو چکا ہے۔

اعجاز احمد نے مزید کہا کہ معزز سپریم کورٹ کے ذریعہ قانون ساز کونسل کے نتائج کو روکنے اور فیصلے کو محفوظ رکھنے کے بعد حکومت پوری طرح بےچین اور گھبرائی ہوئی ہے۔ دوسری طرف، بسکومان کے ڈائریکٹر بورڈ میں ڈاکٹر سنیل سنگھ کے پینل کو اکثریت ملنے کے بعد حکومت کو لگ رہا ہے کہ ان کے من پسند صدر کا انتخاب نہیں ہوگا، جس سے ان کی سبکی ہو سکتی ہے، اسی لیے حکومت کی جانب سے ڈاکٹر سنیل سنگھ کی غیر موجودگی میں ان کا سامان باہر پھینک دیا گیا اور انہیں زبردستی رہائش سے بےدخل کرنے کا عمل کیا گیا۔ یہ سراسر ناانصافی اور جمہوری اقدار کے خلاف ہے۔

جبکہ بہار حکومت کی مہربانی سے حکمران جماعت کے کئی رہنما سرکاری کوارٹرز میں مقیم ہیں اور ان پر حکومت کی کوئی سخت نظر نہیں ہوتی، نہ ہی عمارت سازی کے محکمے کی کوئی توجہ ہوتی ہے۔ ایسے واقعات سے صاف ظاہر ہوتا ہے کہ بہار میں حکومت کی طرف سے حکمران جماعت کے لیے خصوصی رعایت جبکہ اپوزیشن کے لیے الگ قانون نافذ ہے، جس کے تحت ان کے سامان کو زبردستی باہر پھینک دیا جاتا ہے۔

مسلمانوں کی سیاسی حصہ داری کے لئے ایک اہم اجلاس، عوام سے شرکت کی درخواست

 

جس کھیت سے دہقان کو میسر نہ ہو روٹی

اس کھیت کے ہر خوشئہ گندم کو جلا دو

محترم حضرات۔۔۔۔۔۔! 

جیسا کہ آپ جانتے ہیں اس سال بہار میں اسمبلی انتخابات ہونے والے ہیں۔ متعدد سیاسی پارٹیوں نے مسلمانوں پر ابھی سے ہی ڈورے ڈالنے شروع کر دئیے ہیں۔ وہ سبز باغ دکھا کر ہمارے ووٹ تو حاصل کر لیتے ہیں، حکومت بھی بنا لیتے ہیں لیکن جب اقتدار میں حصہ داری کی بات آتی ہے تو خاموش ہو جاتے ہیں۔ یہی وجہ ہے کہ مسلمانوں کے مسائل ایوان میں نہ اٹھتے ہیں نہ حل ہوتے ہیں کیونکہ وہاں تو ہمارا کوئی نمائندہ ہی نہیں ہوتا۔ اس لئے وقت سے پہلے ہمیں بیدار ہونے کی ضرورت ہے۔ 

بھائیوں اور بہنوں حق مانگنے سے نہیں ملتا اسے چھیننا پڑتا ہے اور یہ تبھی ممکن ہے جب ہم متحد ہو کر کوئی لائحہ عمل مرتب کریں۔ 

اسی غرض سے ڈاک بنگلہ چوراہا، پٹنہ کے پاس گرینڈ پلازہ کے ساتویں فلور پر 16 فروری 2025 بروز اتوار00=11 بجے دن میں دانشوروں، ملی اور سیاسی و سماجی رہنماو¿ں کی ایک اہم میٹنگ منعقد ہونے جا رہی ہے۔

 لہذا آپ سے گزارش ہے کہ بھاری تعداد میں شریک ہو کر آپ اپنا ملی فریضہ ادا کریں اور ہمیں قیمتی مشورہ سے نوازیں۔۔۔۔۔ شکریہ

     الداعی

    اخلاق احمد 

  سابق وزیر، حکومت بہار 

  ڈاکٹر اظہار احمد

 سابق ایم ایل اے، بہار

ظفر عالم، سابق ایم ایل اے

مہتاب عالم،اور دیگر معزز شخصیات

Mob.. 7070100803

آیوروید اور یونانی طریقہ علاج ہماری تہذیب کا حصہ ہیں، ہمیں ایسی دواوں سے فائدہ اٹھانا چاہیئے۔وجئے کمار سنہا

گورنمنٹ طبی کالج پٹنہ میں منایا گیا ورلڈ یونانی ڈے

پٹنہ (پریس ریلیز)

ڈاکٹر محمد شفاعت کریم، اسسٹنٹ پروفیسر گورنمنٹ طبی کالج پٹنہ نے پریس ریلیز جاری کرتے ہوئے بتایا کہ  آج مورخہ ۱۱   فروری بروز منگل گورنمنٹ طبی کالج میں ورلڈ یونانی ڈے  کے موقع سے  شاندار پروگرام کا اہتمام کیا گیا۔ حکیم اجمل خاں کی یوم پیدائش کی یاد میں 2017 سے ورلڈ یونانی ڈے منایا جاتا ہے۔ طبی کالج پٹنہ میں اس موقع سے 29 جنوری سےکالج کے طلباء میں کھیل کود کا اہتمام کیا گیا جس میں کبڈی، بیڈ مینٹن، ٹیبل ٹینس وغیرہ مختلف کھیل کا کمپٹیشن تھا۔ 5 فروری سے ایجوکیشنل پروگرام کا آغاز کیا گیا جس میں رائٹنگ کمپٹیشن، ڈیبیٹ، کوئز کونٹسٹ، پوسٹر کمپٹیشن اور یونانی فوڈ فیسٹیول  جیسا کمپٹیشن رکھا گیا تھا جس میں  یو جی اور پی جی کے طلباء و طالبات نے پورے جوش و خروش کے ساتھ حصہ لیا۔ اس پورے پروگرام کا اختتامی اجلاس آج مورخہ 11 فروری کو اجمل خاں آڈیٹوریم میں کیا گیا ۔ اختتامی اجلاس میں صوبے کے ڈپٹی چیف منسٹر جناب وجئے کمار سنہا مہمان خصوصی کے طور پر، سابق ڈپٹی چیف منسٹر جناب تارکیشور پرساد  مہمان اعزازی کے طور پر شامل ہوئے۔ محکمہ صحت کے انڈر سکریٹری جناب ونود کمار پاٹھک اور ڈائرکٹر (یونانی) جناب ڈاکٹر محمد وسیم الدین مہمانان کے طور پر شامل ہوئے۔پروفیسر محمد محفوظ الرحمن،  پرنسپل گورنمنٹ طبی کالج پٹنہ نے پروگرام کی صدارت کی اور اس موقع سے پرگرام نائب صدر ڈاکٹر متانت کریم اسسٹنٹ پروفیسر کم ڈی ڈی او،  پروگرام سکریٹری ڈاکٹر محمد تنویر عالم ( کلیات)  جوائنٹ سکریٹری ڈاکٹر نجیب الرحمن، جوائنٹ سکریٹری ڈاکٹر شمیم اختر، ڈاکٹر نشانت نندن، ڈاکٹر جاوید انور نے ڈائس شیئر کیا۔ کالج ہذا کے سبھی اساتذہ، میڈیکل آفیسر، ایس ایم او،  پی جی اسکالر، انٹرن ڈاکٹر، طلباء و طالبات کے علاوہ اسٹاف موجود رہے۔ 

بتاتا چلوں کہ پروگرام کے مہمان خصوصی جناب وجئے کمار سنہا نے سامعین سے خطاب کرتے ہوئے فرمایا کہ ہندوستان ایسی سر زمین ہے جہاں مختلف بولیاں بولی جاتی ہیں اور اسی طرح سے ہر گھر میں جڑی بوٹیوں کے ذریعہ علاج کرنے کے لئے دادی نانی کے نسخے تیار رہتے ہیں۔ یونانی اور آیورویدا ایک قدیم طریقہ علاج ہے اور اس  کی ترقی کے لئے ہماری سرکار نے الگ سے  وزارت آیوش بنایا جس سے موجودہ وقت میں اور مزید مستقبل میں فائدہ حاصل ہوگا۔ جناب تاکیشور پرساد نے اپنے خطاب میں کہا کہ طبی کالج پٹنہ کو اکثر آفس کی فائلوں میں دیکھا کرتا تھا لیکن پہلی دفعہ کالج میں آنے کا موقع ملا اور مجھے اس بات کا احساس ہے کہ کالج میں جس بھی طرح کی کمیاں ہیں ہم جلد ہی حکومت سے اس کی سفارش کریں گے تاکہ یونانی طریقہ علاج کو عروج حاصل ہو سکے۔ بتاتا چلوں کہ پچھلے دنوں سے مختلف کھیل کود اور ایجوکیشنل  کمپٹیشن میں شامل ہونے والے طلباء و  طالبات کو میڈل اور اعزاز سے نوازا گیا۔

سیفٹی انڈیکس 2023 : سعودی عرب جی ٹوئنٹی ممالک میں سر فہرست

 

اقوام متحدہ کے زیر انتظام ڈیٹا بیس کے مطابق سال 2023 کے سیفٹی انڈیکس میں سعودی عرب جی ٹوئنٹی ممالک میں پہلے نمبر پر ہے۔

یہ بات آج پیر کے روز General Authority for Statistics کی جانب سے جاری اعداد و شمار میں بتائی گئی۔ انڈیکس کے نتائج کے مطابق مملکت کی مجموعی آبادی میں سے 92.6% لوگ رات کے وقت اپنے گھروں کے علاقوں میں تنہا گھومتے ہوئے خود کو محفوظ خیال کرتے ہیں۔

انڈیکس کے نتائج سے مملکت کے ان سیکٹروں کا کردار واضح ہوتا ہے جو پوری مملکت کے اندر لوگوں کے لیے تحفظ کو یقینی بنانے میں فعال رہتے ہیں۔ مملکت میں مختلف شعبوں میں امن کو یقینی بنانے کے لیے کوششیں جاری رہتی ہیں۔ ان سیکٹروں میں معیشت ، خوراک ، ماحول ، صحت، سماج، سیاست، فکر و ارتقا اور سائبر سیکورٹی اور ٹکنالوجی وغیرہ شامل ہے۔

غزہ کوئی جائیداد نہیں جس کی خرید و فروخت کی جائے : حماس کا ٹرمپ کو جواب

 

امریکی صدر ڈونلڈ ٹرمپ نے ایک بار پھر باور کرایا ہے کہ وہ غزہ کی پٹی خرید کر اپنی ملکیت میں لینے پر قائم ہیں۔ تاہم انھوں نے ساتھ یہ بھی واضح کیا ہے کہ وہ تعمیر نو میں شریک مشرق وسطیٰ کے دیگر ممالک کو غزہ کی پٹی کے بعض حصے دے سکتے ہیں۔

ٹرمپ کے اس بیان نے حماس کو پھر سے جواب دینے پر مائل کر دیا۔ تنظیم نے امریکی صدر کے بیان کی مذمت کی ہے۔

حماس کے سیاسی دفتر کے رکن عزت الرشق نے باور کرایا ہے کہ "فلسطینی عوام اپنی جبری ہجرت کے حوالے سے تمام منصوبوں کو ناکام بنا دیں گے"۔

اتوار کی شب تاخیر سے جاری بیان میں الرشق نے مزید کہا کہ "غزہ کوئی جائیداد نہیں جس کی خرید و فروخت کی جائے، بلکہ یہ مقبوضہ فلسطینی اراضی کا اٹوٹ انگ (نا قابل تقسیم حصہ) ہے"۔

العزت نے غزہ کی خرید و فروخت کے حوالے سے ٹرمپ کے بیان کو فضول قرار دیتے ہوئے کہا کہ یہ "فلسطین اور خطے کے حوالے سے گہری جہالت" کا عکاس ہے۔

یاد رہے کہ گذشتہ روز امریکی صدر نے طیارے میں صحافیوں سے گفتگو کرتے ہوئے کہا تھا کہ "غزہ میں واپسی کے لیے کچھ باقی نہیں رہا ... وہ جگہ تباہی کا مقام ہے"۔

ٹرمپ نے واضح کیا کہ وہ بعض فلسطینی پناہ گزینوں کو امریکا میں داخلے کی اجازت دے سکتے ہیں تاہم اس طرح کی درخواستوں کو وہ انفرادی بنیادوں پر خود دیکھیں گے۔

امریکی صدر نے 20 جنوری کو سنبھال کر تھوڑے ہی روز بعد غزہ کی پٹی پر امریکی کنٹرول اور تعمیر نو کی ضخیم کوششوں میں شامل ہونے کی تجویز پیش کر دی۔

وہ اپنے اس خیال کو کئی مرتبہ دہراتے ہوئے یہ باور کرا چکے ہیں کہ غزہ کی آبادی کو دیگر ممالک منتقل کیا جائے گا جن میں مصر اور اردن سرفہرست ہیں۔ دوسری جانب قاہرہ اور عمان دونوں ہی بارہا اس تجویز کو مسترد کر چکے ہیں۔

ٹرمپ کے منصوبے کو کئی عرب اور مغربی ممالک کے علاوہ اقوام متحدہ کی جانب سے فوری تنقید کا سامنا کرنا پڑا بالخصوص اس لیے کہ فلسطینیوں کی جبری ہجرت بین الاقوامی قوانین کی مخالفت ہے۔

ٹرمپ کا "غزہ بم" بحیرہ احمر میں پھٹ گیا، کارگو سیکٹر کی امیدیں ختم

 

غزہ کی پٹی کی آبادی کو ہمسایہ ممالک منتقل کر کے اس کا کنٹرول سنبھالنے کے حوالے سے امریکی صدر ڈونلڈ ٹرمپ کے بیان نے نہ صرف بین الاقوامی سطح پر تنقید اور مذمت کا دروازہ کھولا بلکہ لگتا ہے کہ اس نے بحیرہ احمر میں مال بردار جہازوں کی آمد و رفت پر بھی اثرات مرتب کیے ہیں۔

کارگو سیکٹر کے ایگزیکٹو ذمے داران نے انکشاف کیا ہے کہ ٹرمپ کی مذکورہ تجویز نے ایک سال کے اضطراب کے بعد بحیرہ احمر کے راستے کی طرف واپسی کی امیدوں کو بھی نقصان پہنچایا ہے۔

ٹرمپ کے اچانک اعلان نے اس بات کے اندیشے پیدا کر دیے ہیں کہ یمن میں حوثی ملیشیا ایک بار پھر اس اہم آبی راہ داری سے گزرنے والے تجارتی بحری جہازوں کے لیے خطرات پیدا کرے گی۔ حوثیوں نے گذشتہ ماہ اعلان کیا تھا کہ وہ اسرائیل اور حماس کے درمیان فائر بندی کے بعد زیادہ تر جہازوں کو نشانہ بنانے کا سلسلہ روک دیں گے۔

اس حوالے سے "نورڈن" کارگو گروپ کے چیف ایگزیکٹو جان رینڈبو نے واضح کیا ہے کہ ٹرمپ کے منصوبے نے مشرق وسطیٰ میں گڑبڑ اور کشیدگی کی صورت بڑھا دی ہے۔ رینڈبو کا مزید کہنا تھا کہ امریکی صدر کے اعلان سے حوثیوں کے اپنے موقف پر قائم رہنے کا امکان خطرے میں پڑ گیا ہے۔ یہ بات برطانوی اخبار "فنانشل ٹائمز" نے بتائی۔

اقتدار سنبھالنے کے بعد اپنے ابتدائی ایام میں ٹرمپ نے ایک بار پھر کئی تجارتی شراکت داروں پر کسٹم ڈیوٹیاں عائد کرنے کی دھمکیاں دیں۔ ان کے نتیجے میں تجارتی جنگیں چھڑ جانے اور عالمی معیشت کے زوال کے اندیشے پیدا ہو گئے جو بحری جہازوں کے مالکان کے منافع کو متاثر کر سکتے ہیں۔

حوثیوں نے 19 جنوری کو بحری جہازوں کے گزرنے پر سے پابندیاں اٹھانے کا اعلان کر دیا تھا ما سوا وہ جہاز جو اسرائیل میں رجسٹرڈ ہیں یا مکمل طور پر اسرائیلی اداروں کی ملکیت ہیں۔

غزہ کی حمایت میں حوثیوں نے سال 2023 کے اواخر میں اسرائیلی بندر گاہوں کا رخ کرنے والے تمام بحری جہازوں اور اسی طرح برطانوی اور امریکی اداروں کے مملوکہ بحری جہازوں کو دھمکی دی تھی۔

لائڈز لیسٹ انٹیلی جنس کمپنی کے مطابق حوثیوں کے اعلان کے بعد اگلے ایک ہفتے میں آبنائے باب المندب کے راستے بحیرہ احمر میں داخل ہونے والے جہازوں کی تعداد 4% اضافے کے ساتھ 223 ہو گئی۔

ادھر یہ بھی کہا جا رہا ہے کہ LNG (گیس) کا ایک ٹینکر جو حال ہی میں ع±مان سے روانہ ہوا تھا، ایک سال سے زیادہ عرصے کے بعد بحیرہ احمر کے راستے غیر روسی LNG کی پہلی کھیپ منتقل کرے گا۔ یہ بات بنیادی اشیائ کی معلومات رکھنے والی کمپنی ICIS نے بتائی۔

توقع ہے کہ LNG کا بحری جہاز "صلالہ" 16 فروری کو ترکی کی بندر گاہ پہنچے گا۔

البتہ بحری جہازوں کے مزید مالکان اب مشرق وسطیٰ میں کشیدگی میں اضافے اور حملے کم کرنے سے متعلق حوثیوں کے اپنے وعدے سے پھر جانے کے حوالے سے خود کو تیار کر رہے ہیں۔

تاجر حضرات اس بات کی توقع کر رہے تھے کہ ایک سال سے زیادہ عرصے تک کارگو کی مدت اور لاگت میں اضافے کا سبب بننے والے بحران کے بعد معمول کی صورت حال پر لوٹ آئیں گے۔ واضح رہے کہ یورپ اور ایشیا کے درمیان سفر کرنے والے کارگو بحری جہازوں نے افریقا کے گرد طویل راستہ اپنایا تھا۔

ٹرمپ کا امریکہ میں سٹیل اور ایلومینیم کی درآمدات پر 25 فیصد ٹیرف کا اعلان

 

امریکی صدر ڈونلڈ ٹرمپ نے اتوار کے روز کہا کہ وہ موجودہ ڈیوٹی کے علاوہ امریکہ میں سٹیل اور ایلومینیم کی تمام درآمدات پر نئے 25 فیصد ٹیرف متعارف کرائیں گے۔ یہ نیا اعلان ان کی تجارتی پالیسی میں ایک اور بڑے اضافے کی نشاندہی کرتا ہے۔

ٹرمپ نے نیو اورلینز میں این ایف ایل سپر باو¿ل کے سفر میں ایئر فورس ون طیارے میں صحافیوں سے بات کرتے ہوئے کہا کہ وہ پیر کو دھاتوں کے نئے ٹیرف کا اعلان کرنے والے ہیں۔

انہوں نے یہ بھی کہا کہ وہ منگل یا بدھ کو باہمی جوابی ٹیرف کا اعلان کریں گے جو تقریباً فوری طور پر نافذ العمل ہوں گے۔ یہ ٹیرف تمام ممالک پر نافذ ہوں گے اور ہر ملک کی طرف سے لگائے گئے ٹیرف کی شرح سے مماثل ہوں گے۔

ٹرمپ نے باہمی ٹیرف پلان کے بارے میں کہا، "اور یہ بہت سادہ بات ہے، اگر وہ ہم سے چارج کرتے ہیں تو ہم ان سے چارج کریں گے۔"

حکومت اور امریکی آئرن اینڈ سٹیل انسٹی ٹیوٹ کے اعداد و شمار کے مطابق امریکی سٹیل کی درآمد کے سب سے بڑے ذرائع کینیڈا، برازیل اور میکسیکو ہیں۔ اس کے بعد جنوبی کوریا اور ویتنام آتے ہیں۔

ہائیڈرو پاور سے مالا مال کینیڈا امریکہ کو بنیادی ایلومینیم دھات کا سب سے بڑا فراہم کنندہ ہے جو 2024 کے پہلے 11 مہینوں میں کل درآمدات کا 79 فیصد رہا ہے۔

کینیڈا کے وزیر برائے اختراعات فرانکوئس-فلپ شیمپین نے ایکس پر پوسٹ کیا، "کینیڈین سٹیل اور ایلومینیم امریکہ میں دفاعی، بحری جہاز سازی اور آٹو جیسی کلیدی صنعتوں کی معاونت کرتے ہیں۔ ہم اپنے کارکنان، اپنی صنعتوں اور کینیڈا کے لیے کھڑے رہیں گے۔"

ٹرمپ نے یہ بھی کہا کہ اگرچہ امریکی حکومت جاپان کی نیپون سٹیل کو امریکی سٹیل میں سرمایہ کاری کرنے کی اجازت دے گی لیکن وہ اسے اکثریت کا حصہ نہیں بننے دے گی۔

ٹرمپ نے امریکی سٹیل کے بارے میں کہا، "ٹیرف اسے دوبارہ بہت کامیاب بنا سکتے ہیں اور میرے خیال میں اس کی انتظامیہ اچھی ہے۔"

نپون سٹیل نے ٹرمپ کے تازہ ترین اعلانات پر تبصرہ کرنے سے انکار کر دیا۔

کوٹے سے متعلق سوالات

ٹرمپ نے اپنی پہلی مدت کے دوران سٹیل پر 25 فیصد اور ایلومینیم پر 10 فیصد محصولات عائد کیے تھے لیکن بعد میں کئی تجارتی شراکت داروں کے لیے یہ ڈیوٹی فری کر دیا تھا جن میں کینیڈا، میکسیکو اور برازیل شامل ہیں۔ میکسیکو ایلومینیم سکریپ اور ایلومینیم مرکب سے بنی دھاتوں کا ایک بڑا فراہم کنندہ ہے۔

سابق صدر جو بائیڈن نے بعد میں برطانیہ، یورپی یونین اور جاپان کے ساتھ ڈیوٹی فری کوٹہ مختص کرنے کے بارے میں بات چیت کی۔ ٹرمپ کے اعلان سے فوری طور پر یہ واضح نہیں ہو سکا کہ ان رعایتوں اور مخصوص کوٹے کا کیا ہو گا۔

کیوبیک کے وزیرِ اعظم فرانسوا لیگلٹ نے ایکس پر کہا، "کیوبیک (امریکہ کو) 2.9 ملین ٹن ایلومینیم برآمد کرتا ہے یعنی ان کی ضروریات کا 60 فیصد۔ کیا وہ چین سے سپلائی لینے کو ترجیح دیں گے؟ ان سب باتوں سے ظاہر ہوتا ہے کہ ہمیں جلد از جلد امریکہ کے ساتھ اپنے آزاد تجارتی معاہدے پر دوبارہ بات چیت شروع کرنی چاہیے اور 2026 کے لیے طے شدہ جائزے کا انتظار نہیں کرنا چاہیے۔ ہمیں اس غیر یقینی صورتِ حال کو ختم کرنا چاہیے۔"

ٹرمپ کے ابتدائی محصولات کے بعد 2019 میں سٹیل مل کی صلاحیت کا استعمال 80 فیصد سے اوپر پہنچ گیا لیکن اس کے بعد سے اس میں کمی آئی کیونکہ اس شعبے پر چین کا عالمی غلبہ سٹیل کی قیمتوں میں کی کا باعث بنا۔ ٹیرف کے ذریعے بحال ہونے والا ایک میزوری ایلومینیم سمیلٹر (دھاتوں کو الگ کرنے والی بھٹی) گذشتہ سال میگنیٹیوڈ سیون میٹلز کے باعث بند ہو گیا۔

امریکی آئرن ینڈ سٹیل انسٹی ٹیوٹ (اے آئی ایس آئی) کے صدر اور سی ای او کیون ڈیمپسی نے کہا کہ انڈسٹری ٹریڈ گروپ نے مضبوط امریکی سٹیل انڈسٹری کے لیے ٹرمپ کے عزم کا خیر مقدم کیا۔

انہوں نے کہا، "ایک مضبوط اور از سرِ نو تجارتی ایجنڈا نافذ کرنے کے لیے ہم صدر اور ان کی انتظامیہ کے ساتھ مل کر کام کرنے کے منتظر ہیں تاکہ مارکیٹ کو خراب کرنے والی کئی غیر ملکی پالیسیوں اور طریقوں کو حل کیا جائے جو امریکی سٹیل سازوں کے لیے ایک غیر مساوی ہیں۔"

مماثل نرخ

ٹرمپ نے کہا کہ وہ باہمی ٹیرف پلان کے بارے میں تفصیلی معلومات فراہم کرنے کے لیے منگل یا بدھ کو ایک نیوز کانفرنس کریں گے۔ نئے امریکی صدر نے طویل عرصے سے گاڑیوں کی درآمدات پر یورپی یونین کے 10 فیصد ٹیرف کے بارے میں شکایت کی ہے جو امریکی کاروں کی 2.5 فیصد شرح سے کہیں زیادہ ہے۔

تاہم امریکہ کو پک اپ ٹرکوں پر 25 فیصد ٹیرف حاصل ہے جو ڈیٹرائٹ کے کار ساز اداروں جنرل موٹرز، فورڈ اور سٹیلنٹِس کے امریکی آپریشنز کے لیے منافع کا ایک اہم ذریعہ ہے۔

عالمی ادار? تجارت کے اعداد و شمار کے مطابق امریکہ کے اوسط ٹیرف کی شرح تقریباً 2.2 فیصد ہے جبکہ ہندوستان کے لیے 12 فیصد، برازیل کے لیے 6.7 فیصد، ویتنام کے لیے 5.1 فیصد اور یورپی یونین کے ممالک کے لیے 2.7 فیصد ہے۔

امریکہ کی ڈسٹلڈ سپرٹس کونسل کے سی ای او کرس سوونگر نے خدشہ ظاہر کیا کہ ٹرمپ کے سٹیل کے نئے ٹیرف یورپی یونین کو امریکی وہسکی پر دوبارہ جوابی ڈیوٹیز لگانے اور 50 فیصد تک بڑھانے کا باعث بنیں گے۔

انہوں نے کہا، "ہم اس بات پر زور دے رہے ہیں کہ امریکہ اور یورپی یونین ایک حل تلاش کرنے کے لیے تیزی سے آگے بڑھیں۔ ہماری عظیم امریکی وہسکی کی صنعت داو¿ پر لگی ہوئی ہے۔ امریکہ کی اصل وہسکی پر 50 فیصد ٹیرف کا پورے امریکہ میں 3,000 چھوٹے اداروں کے لیے تباہ کن اثر ہو گا۔

سرحدی اقدام

فاکس نیوز کے ایک الگ انٹرویو میں ٹرمپ نے کہا کہ امریکہ کے ساتھ اپنی سرحدوں کو محفوظ بنانے اور منشیات اور تارکینِ وطن کی آمد کو روکنے کے لیے کینیڈا اور میکسیکو کے اقدامات ناکافی ہیں۔

ٹرمپ نے دھمکی دی ہے کہ وہ میکسیکو اور کینیڈا کی تمام درآمدات پر 25 فیصد کے محصولات عائد کریں گے جب تک امریکہ کے دو سب سے بڑے تجارتی شراکت دار سخت اقدامات نہیں کرتے۔

انہوں نے دونوں ممالک کی جانب سے سرحدی حفاظتی رعایت کے بعد یکم مارچ تک محصولات کو موقوف کر دیا۔ ان رعایتوں میں میکسیکو نے اپنی سرحد پر 10,000 نیشنل گارڈ فوجیوں کو شامل کرنے کا وعدہ کیا اور کینیڈا نے نئی ٹیکنالوجی اور اہلکار تعینات کیے اور فینٹانیل کے خلاف نئے اقدامات کیے۔

کیا میکسیکو اور کینیڈا کے اقدامات کافی اچھے تھے، اس سوال کا ٹرمپ نے یہ جواب دیا: "نہیں، یہ کافی اچھا نہیں ہے۔کچھ ضرور ہونا ہے، یہ پائیدار نہیں ہے، اور میں اسے تبدیل کر رہا ہوں۔"

ٹرمپ نے یہ نہیں بتایا کہ کینیڈا اور میکسیکو کو یکم مارچ کو نافذ ہونے والے وسیع محصولات سے بچنے کے لیے کیا کرنا ہو گا۔