ڈاکٹر یاسر تاجدار ایف۔ آئی۔ اے۔ ایس کی اعزازی ڈگری سے سرفراز ، لوگوں کی جانب سے مبارکبادیوں کا سلسلہ جاری

پٹنہ (نمائندہ ) آئی جی آئی ایم ایس میں بطور سرجن اپنی خدمات انجام دینے والے متحرک و فعال شخصیت ڈاکٹر یاسر تاجدار کو ایف ۔ آئی ۔ اے ۔ ایس کی اعزازی ڈگری سے سرفرازکیا گیا ۔ انہیں یہ اعزاز آگرہ میں سرجنوں کی قومی کانفرنس اے۔ ایس ۔آئی۔سی۔او۔ این  میں دیاگیا ۔ یہ اعزا ز ملک کے ان چنندہ سرجن کو دیا گیا ہے جن کی طب کے میدان بہترین خدمات ہیں۔ ڈاکٹر یاسر تاجدار بڑے نرم گو اور اپنے کام میں ماہر ڈاکٹر ہیں ۔ فی الحال وہ آئی جی آئی ایم ایس میں اپنی خدمات پیش کر رہے ہیں۔اور انہوںنے کئی اہم آپریشن کو بڑے ہی بہترین طریقے سے انجام دیا ہے۔ ایمس دہلی کے سابق ڈائریکٹر ڈاکٹر ایم سی مشرا کے ہاتھوں انہیں یہ عزاز دیا گیا۔ ان کی اس حصولیابی پر لوگوں نے انہیں مبارکباد پیش کیا ہے ۔ جن لوگوں نے انہیں مبارکباد پیش کی ہے اس میں جامی صاحب ، طبی کالج کے پرنسپل ڈاکٹر محفوظ عالم، سابق رکن اسمبلی ڈاکٹر اظہار احمد ،ڈاکٹر عبد السلام فلاحی سمیت معزز شخصیات نے انہیں مبارکباد پیش کی ہے اور انہیں مزید ترقی کی دعاءکی ہے ۔ 

بہار انجمن تعلیم کے میدان میں بہترین کام کر رہی ہے:انور باری

 بہار انجمن ضرورت مند بچوں میں تعلیم کا چراغ جلا رہی ہے شکیل اشرفی

 پٹنہ:- رہبر کوچنگ سنٹر کے نومبر ماہ کے تقسیم انعامات پروگرام میں  مہمان خصوصی جناب انور باری صاحب نے کہا کہ بہار انجمن تعلیم کے میدان میں بہترین کام کر رہی ہے۔ بہار انجمن کے مفت رہبر کوچنگ سنٹر میں تمام مذہب کے بچوں و بچیوں کو مفت تعلیم فراہم کرتی ہے۔ مہمان اعزازی جناب شکیل اشرفی صاحب نے کہا کہ بہار انجمن ہمیشہ سے غریب اور کمزور بچوں کی رہنمائی اور مالی مدد کرتی ہے۔ ایڈووکیٹ شاہد اطہر نے بہار انجمن کے بانی ممبران جناب انور باری صاحب اور جناب شکیل اشرفی صاحب کو تہہ دل سے خوش آمدید کہتے ہوئے کہا کہ بلاشبہ آپ لوگوں نے معاشرے کے بچوں و بچیوں کی مالی امداد کی ذمہ داری لی ہے، اس کے لیے آپ لوگ اور پوری بہار انجمن کے لوگ شکریہ کے مستحق ہیں۔  پروگرام کی نظامت کرتے ہوئے محترمہ ڈاکٹر شاہین ودود صاحبہ نے تمام مہمانوں کو خوش آمدید کہا اور طلبہ وطالبات سے ان کا تعارف کرایا۔  جناب انعام خان صاحب نے بہار انجمن کے کام کے بارے میں تفصیل سے بتاتے ہوئے کہا کہ ہزاروں بچے وبچیاں اس سے فائدہ اٹھا رہے ہیں اور اپنے خاندان کو آگے بڑھانے کے لیے کام کر رہے ہیں۔ پروگرام کو کامیاب بنانے میں تنویر امام صاحب اور قمر الہدی نے پوری طرح سے تعاون کیا۔ آج پٹنہ کے پھلواری شریف میں رہبر سنٹر میں بہترین کارکردگی دکھانے والے طلباء وطالبات میں تحائف اور تمغے تقسیم کئے گئے۔ یہ مرکش بہار کے دیگر 30 مراکز میں بہترین کارکردگی کا مظاہرہ کرنے والے مراکز میں سے ایک ہیں، اس کا تمام کریڈٹ میڈم شاہین، انعام خان صاحب اور بہاؤ الدین گیلانی بھائی کو جاتا ہے، جنہوں نے زمینی سطح پر محنت اور لگن سے کام کیا۔ .  ہم امید کرتے ہیں کہ بہار انجمن کی جانب سے معاشرے کے غریب ترین افراد کو معیاری تعلیم فراہم کرنے کی کوششوں سے یقیناً بہت سے لوگوں کی زندگیوں اور خاندانوں میں فرق آئے گا۔ مزید جانکاری کے لیے ویب سائٹ چیک کریں۔  www.biharanjuman.org

پرائیوٹ اسکولوںکے مسائل جلد حل ہوںگے : نائب وزیراعلیٰ

 

پرائیوٹ اسکولوںکے مسائل جلد حل ہوںگے : نائب وزیراعلیٰ

 پٹنہ:پرائیویٹ اسکول و چلڈرن ویلفیئر ایسوسی ایشن کے زیر اہتمام منعقدہ ریاست سطحی کانفرنس کا افتتاح نائب وزیر اعلیٰ مسٹر وجے سنہا، سکم اور میگھالیہ کے سابق گورنر مسٹر گنگا پرساد، آئی جی مسٹر وکاس ویبھ، پرائمری ایجوکیشن ڈائریکٹر مسٹر متھلیش مشرا، نالندہ لرننگ کے سی ای او مسٹر تمل مکھرجی اور تنظیم کے قومی صدر سید شمائل احمد نے مشترکہ طور پرشمع روشن کر کے کیا۔ 

اس موقع پر نائب وزیر اعلیٰ وجے سنہا نے سسٹر بندھو جوزف سی جے پرنسپل نرملا شکشا بھون ہائی اسکول شاہ پور کو لائف ٹائم اچیومنٹ ایوارڈ سے نوازا۔

اس باوقار پروگرام میں بہار کے 38 اضلاع سے 2000 اسکول مالکان نے حصہ لیا۔ 

 نائب وزیر اعلیٰ وجے سنہا نے ماہرین تعلیم سے خطاب کرتے ہوئے انہیں ملک کے نوجوانوں کی صحیح رہنمائی کرنے اور اپنے کام کوپوری ایمانداری سے کرنے کے لیے مبارکباد دی۔ انہوں نے پرائیویٹ اسکولوں میں محکمہ تعلیم کے ذریعہ درپیش مشکلات کے حل کی مکمل یقین دہانی کرائی۔

اپنے تہنیتی پیغام میں سکم اور میگھالیہ کے سابق گورنر، مسٹر گنگا پرساد نے پرائیویٹ اسکول اینڈ چلڈرن ویلفیئر ایسوسی ایشن کے تحت بہار کے 25000 پرائیویٹ اسکولوں کے ذریعہ ریاست میں معیاری تعلیم فراہم کرنے پر انہیں مبارکباد پیش کی ۔انہوں نے کہاکہ ریاست کی ترقی بہتر تعلیم سے ہی ممکن ہے اور بلاشبہ پرائیویٹ اسکول یہ کام پوری لگن سے کرتے ہیں۔

مہمانِ خصوصی کے طور پر پروگرام میں موجو د آئی پی ایس آفیسر مسٹر وکاس ویبھونے بہار کے کونے کونے سے آنے والے ماہرین تعلیم کو چانکیہ نیتی کی کئی باریکیاں بتائیں۔ان سے کہا کہ وہ اپنے مقصد کو حاصل کرنے میں ثابت قدم رہیں۔

ڈائریکٹر پرائمری ایجوکیشن اور پروگرام کے مہمان خصوصی آئی اے ایس مسٹرمتھلیش مشرا نے خطاب کرتے ہوئے گیان پورٹل میں درپیش مسائل کے حل کے بارے میںیقین دہانی کرائیں۔انہوں نے کہا کہ تمام اسکولوں میں آر ٹی ای کی بقایا رقم کی ادائیگی یقینی طور پر کی جائے گی ۔ 

 قومی صدر، سید شمائل احمد نے نائب وزیراعلیٰ سمیت تمام مہمانوں کا شکریہ ادا کیا۔

ویسٹ پوائنٹ اسکول میں بچوں نے یوم اطفال دھوم دھام سے منایا :فوزیہ خان

 

پٹنہ ( نمائندہ )ہندوستان کے پہلے وزیر اعظم آنجہانی پنڈت جواہر لعل نہرو کے یوم پیدائش کے موقع پر ویسٹ پوائنٹ اسکول سمن پورہ راجہ بازار کے احاطے میں بچوں نے یوم اطفال بڑی دھوم دھام سے منایا، اس موقع پر بچوں نے مختلف قسم کے فینسی ڈریسز میں اپنی صلاحیتوں کا مظاہرہ کیا۔ بنیادی طور پر بچوں نے اپنے آپ کو جواہر لعل نہرو گاندھی جی ڈاکٹر نرس ٹیچر رادھا رانی میرابائی مولانا رانی لکشمی بائی پولیس چارلی چپلن ڈاکو گبر سنگھ آئی پی ایس آفیسر ملٹری مین انسپکٹر سپاہی کشمیری لڑکی اداکارہ ماڈل پری وغیرہ کے طور پر پیش کیا اور حاضرین میں موجود والدین نے تالیاں بجائیں۔پروگرام کے مہمان خصوصی پرائیویٹ اسکول اینڈ چلڈرن ویلفیئر ایسوسی ایشن کے قومی صدر سید شمائل احمد نے بچوں سے خطاب کرتے ہوئے پنڈت جواہر لعل نہرو کے کارناموں کے بارے میں معلومات شیئر کی۔انہوں نے کہا کہ پنڈت نہرو کہا کرتے تھے کہ آرام حرام ہے!مہمانوں کا استقبال ویسٹ پوائنٹ اسکول کی پرنسپل فوزیہ خان نے کیا اور اس موقع پر حصہ لینے والے بچوں کو مہمان خصوصی کے ہاتھوں میڈل سے نوازا گیا۔اس موقع پر جوگندر سنگھ، سمن سنہا، سودھا شرما، پروین خاتون، منورماگپتا، مولانا حلیم انیل سنگھ سکسینہ جی انجو کماری شریستھا کماری سمیت کئی لوگ موجود تھے۔

دسویں اور بارہویں جماعت کے طلباءاعزاز سے ہوںگے سرفراز : شمائل احمد

 

پٹنہ ( نمائندہ )پرائیویٹ اسکولس اینڈ چلڈرن ویلفیئر ایسوسی ایشن کے زیراہتمام 13 اکتوبر کو صبح 9.00 بجے سے رویندر بھون، ویر چند پٹیلپتھ میں 10ویں اور 12ویں جماعت کے طلبہ کو اعزاز سے نوازا جائے گا ۔جن طلباءنے 90% سے زیادہ نمبر حاصل کیے ہیں ان سبھی کو ایسو سی ایشن کی طرف سے میڈل اور سرٹیفکیٹ دیا جائے گاعطا کئے جائیںگے۔ 

وہ طلباءجنہوں نے 10ویں اور 12ویں جماعت میں 90% سے زیادہ نمبر حاصل کیے ہیں، جنہوں نے ابھی تک اپنا اندراج نہیں کرایا ہے، وہ 12 اکتوبر 2022 تک اپنے نام اس ای میل پر بھیج سکتے ہیں۔

fauziakhan1111@gmail.com

 رجسٹریشن کروائیں۔ پرائیویٹ اسکول اینڈ چلڈرن ویلفیئر ایسوسی ایشن کے قومی صدر شمائل احمد نے کہا کہ 2011 سے ہر سال ایسوسی ایشن کی جانب سے پرتیبھا سمان تقریب کا انعقاد کیا جاتا ہےجو اپنے آپ میں ایک بہت بڑا ریکارڈ ہے۔

پچیس سال کی جدوجہد کے بعد متحد ہوا شاہ برادری: اسیر الدین شاہ

 

پٹنہ، 8 اکتوبر(نمائندہ)۔پٹنہ آل انڈیا شاہ سائی سمیتی کے قومی صدر اسیرالدین نے ہفتہ کے روزیہاں کہا کہ ہندوستان کے کونے۔کونے میں بکھرے ہوئے شاہ برادری سے تعلق رکھنے والے تمام روشن خیال اور ذہین لوگوں کو یہ جان کر بے حد خوشی ہوگی کہ شاہ برادری کل ہند سطح پر کام کر رہی ہے۔ تنظیم کو وجود میں لایا گیا ہے۔جو الحمدللہ شاہ برادران کے لیے پچھلے پچیس سال سے لڑ رہی ہے۔اسیر الدین نے کہا کہ وہ ملک کو ترقی کی راہ پر گامزن کرنے اور قابل احترام شہریوں کے زمرے میں کھڑا کرنے کے لیے سخت محنت کر رہے ہیں۔ اس کے علاوہ وہ ایک معزز شہری کی حیثیت سے ترقی کی راہ پر گامزن ہونے کی جدوجہد کر رہے ہیں۔ جس کے نتیجے میں آج ہمارے ملک کی شاہ برادری کے لوگ سیاست، ثقافت، تعلیم، معاشرت، روزگار سمیت ہر میدان میں ترقی کر چکے ہیں۔انہوں نے کہا کہ ہم اللہ سے دعا کرتے ہیں کہ آنے والے وقتوں میں اس برادری کے لوگ اپنی کھوئی ہوئی عزت دوبارہ حاصل کریں جو ان کے آباو¿ اجداد کو حاصل تھی لیکن یہ اسی وقت ممکن ہے جب ہم باہمی اتحاد قائم کریں اور اپنے لوگوں کی طرح پیار کریں گے۔ ہمارے اپنے لوگ ہیں اور اپنے بچوں کو تہذیب، تعلیم کے ساتھ ساتھ عملی سیاست کا علم بھی دیں گے۔یہاں یہ بتانا ضروری ہے کہ شاہ برادری کو تنظیم کی ضرورت کیوں ہے؟ یا ہمیں اس کی ضرورت کیوں پڑی؟ جو طبقہ اپنے اسلاف کو بھول جائے، اپنے اسلاف کی تاریخ کو یاد نہیں رکھتا، اللہ تعالیٰ اس قوم کے وجود کو ختم کر دیتا ہے۔ آج ہم خود اپنی رسوائی کا باعث ہیں کیونکہ ہم نے اپنے اسلاف کا حال بھلا دیا ہے۔ وہ تاریخ یاد رکھیں جب انگریزوں نے اس ملک کے عوام پر ظلم و تشدد کے پہاڑ توڑے، ہماری عزت کو پامال کیا۔انہوں نے کہا کہ ملک کے بادشاہوں اور نوابوں نے اپنی نام نہاد جائیدادیں بچانے کے لیے انگریزوں کے سامنے جھک کر عام لوگوں کو انگریزوں کا ظلم سہنے کے لیے چھوڑ دیا۔ جب ہمارے ملک کے لوگ بے بس ہو گئے تو ہمارے بزرگوں نے کمان سنبھالی جن کا نام مجنوں شاہ گدی نشین خانقاہ بنگال ہے، انہوں نے اپنی قائدانہ صلاحیتوں سے ہندوستانی عوام اور اس ملک کا وقار بلند کیا اور غلامی سے باہر نکل آئے۔انہوں نے کہا کہ وقت کا تقاضا ہے کہ برادری کو تعلیمی میدان میں روزگار کے حوالے سے رہنمائی فراہم کی جائے، تاکہ ان کی پسماندگی کو دور کیا جا سکے۔ اللہ رب العالمین نے کل بھی اس کمیونٹی کو نوازا تھا اور الحمدللہ آج بھی اللہ کے فضل و کرم سے اس برادری پر احسان ہے۔ دولت، تعلیم، نصیحت، سب کچھ ہمارے معاشرے میں موجود ہے۔اس تناظر میںشاہ سائی کمیٹی کی ایک اہم ریلی11 اکتوبر 2022 بروز منگل پٹنہ کے رویندر بھون میں آل انڈیا شاہ سائی کمیٹی کے قومی صدر اسیرالدین کی صدارت میں ہونے جا رہی ہے جس میں وہ لوگ جنہوں نے شاہ برادری کی حمایت کی ہے۔ سیاسی، سماجی اور تعلیمی لحاظ سے پسماندگی سے بیدار کرنے کا کام کیا ہے۔ انہیں شاہ سائی برادری کی طرف سے گلہائے عقیدت مجنوں شاہ ایوارڈ سے نوازا جائے گا۔اس موقع پر ریاستی صدر یونس شاہ بھی موجود تھے۔

تقوی حج عمرہ ٹور اینڈ ٹریولس کاچوتھا جتھہ آصف انور کی قیادت میں عمرہ کیلئے روانہ

پٹنہ ( نمائندہ)گزشتہ 05 اکتوبر 2022 کو تقویٰ حج عمرہ ٹور اینڈ ٹریولس کا حج کے بعد کثیر تعداد میں زائرین کا چوتھا جتھہ دہلی انٹر نیشنل ائرپورٹ سے جناب آصف انور صاحب کے قیادت میں عمرہ کے لئے روانہ ہوا اس موقع پر تقویٰ حج عمرہ ٹور اینڈ ٹریولس کے منیجنگ ڈائریکٹر جناب راشد عالم کے ساتھ کمپنی کے ڈائریکٹر جناب رفعت علی(جناح) اور جناب شہریار اختر صاحب بہی ائرپورٹ پر موجود تھے۔ منیجنگ ڈائریکٹر ئ جناب راشد عالم نے بتایا کہ ہم لوگ زائرین کو خدمت خلق کہ جذبہ کے ساتھ عمرہ کرواتے ہیں جس کی وجہ سے کثیر تعداد میں لوگ متاثر ہو کر تقویٰ حج عمرہ ٹور اینڈ ٹریولس میں اپنا بکنگ کروا رہے ہیں اور عمرہ کرنے جا رہے ہیں۔ 

حنظلہ ٹور اینڈ ٹریولس کا گروپ 82 عمرہ کیلئے روانہ

 

 

 اگلا قافلہ بھی 20 اکتوبر کو ہوگا روانہ 

 

پٹنہ: حنظلہ ٹور اینڈ ٹریولس پرائیوٹ لمیٹیڈ گروپ نمبر 82 عمرہ کیلئے 05 اکتوبر کو پٹنہ ایئر پور ٹ اور 06 ستمبر 2022 کو دہلی سے جدہ کیلئے سعودی ایئر لائنس کی راست فلائٹ سے روانہ ہوا۔ اس گروپ میں 55 افراد شامل ہیں۔ قافلہ عید میلاد کے موقع پر مدینہ پہنچا ہے اور ہوٹل دار السلام میں قیام پذیر ہے خوشی کی بات ہیکہ تمام لوگوں کو چالیس وقت کی پوری نماز مسجد نبوی میں پڑھنے کا موقع ملے گا۔ 15 اکتوبر 2022 کو مکہ کیلئے روانگی ہوگی ۔ اور ہوٹل دار الخلیل الرشاد مکہ میں قیام ہوگا۔ یہ گروپ مکہ میں 21 اکتوبر تک توقف کرے گا۔ یہ گروپ پٹنہ سے 05 اکتوبر کو دہلی انڈیگو کی فلائٹ سے روانہ ہوا تھا اور رات میں دہلی ہوٹل میں روکا ۔ اور 06 اکتوبر کو جدہ کیلئے سعودی ایئر لائنس کی ڈائریکٹ فلائٹ سے روانہ ہوا۔ تمام لوگ الحمد للہ مدینہ ہوٹل میںپہنچ گئے ہیں ۔ گروپ میں جناب محمد منور ،محمد فیروز اختر عین الحق ، امان الحق ، نازش الحق ، ذیشان خالد ، محمد معید ، محمد توحید عالم ( پٹنہ ) فخر عالم ، محمد شاکر حسین ( مظفر پور ) محمد جاوید ، عبد المنان خان ( کوڈرما) عبد الرحمان ، محمد مسعود عالم ، عبد القدوس ، اعجاز خان ( ارریہ ) محمد محفوظ انصاری ، محمود انصاری ( مدھوبنی ) علی اصغر انصاری ( سیوان ) صلاح الدین ، محمد وصی الیاس ( حاجی پور ) ، محمد نظام الدین ( گیا ) ، ان کے علاوہ بہار ، جھارکھنڈ کے مختلف مقامات سے کثیر تعداد میں لوگ شامل ہیں ۔ اس گروپ کے لیڈر محمد کلام خان ہیں۔ حنظلہ ٹور اینڈٹریولس گروپ کا اگلا قافلہ انشاءاللہ 20 اکتوبر کو روانہ ہوگا۔ 

پرائیویٹ اسکولس اینڈ چلڈرن ویلفیئر ایسوسی ایشن کے ضلع ارریہ کے صدر سبطین احمد کا انتقال

 

مرحوم سبطین غریبوں کی مدد کرنے والے اورنیک دل انسان تھے : شمائل احمد 

پٹنہ ( نمائندہ ) پرائیویٹ اینڈ چلڈرن ویلفیئر ایسوسی ایشن کے ضلع ارریہ کے صدر سبطین احمد جو کیرئیر گائیڈا سکول کے ڈائریکٹر بھی تھے کے اچانک انتقال سے پوری تنظیم میں سوگ کی فضا ہے۔

ایسوسی ایشن کے قومی صدر شمائل احمد نے ریاست کے تمام 38 اضلاع کے ماہرین تعلیم کے ساتھ ایک آن لائن تعزیتی میٹنگ کا اہتمام کرتے ہوئے کہا کہ مرحوم سبطین احمد ایک بہت ہی نیک اورماہر رہنما تھے، ان کے کام کو فراموش نہیں کیا جا سکتا، ان کے تعاون پر جذباتی گفتگو کرتے ہوئے قومی صدر شمائل احمد نے کہا کہ مرحوم سبطین احمد غریبوں کی مدد کرنے والے اسکول کے ڈائریکٹر تھے، ان کے انتقال سے پوری ریاست میں غم کا ماحول ہے، اس نقصان کو پورا کرنا ناممکن ہے، غم کی اس گھڑی میں، پوری ایسوسی ایشن فیملی مرحوم سبطین احمد کے اہل خانہ کے ساتھ ہے اور مرحوم کی روح کی تسکین کیلئے دعا گو ہے، اس تعزیتی اجلاس میں تمام 38 اضلاع کی ایسوسی ایشن کے ضلعی صدور سمیت سینکڑوں اسکولوں کے ضلعی صدر اور اساتذہ کرام نے شرکت کی۔ آن لائن تعزیتی اجلاس کے ذریعے دو منٹ کی خاموشی اختیار کر کے مرحوم کی روح کو خراج عقیدت پیش کیا گیا۔اس موقع پر دیوآنند جھا، روہت ورما، محمد ولی اللہ، مدن لال منڈل، جاوید احمد، کشور کمار، وریندر پاٹھک، سدانند مشرا، لال چند بھگت، ذکی انظر، شکیب احمد، بدرے عالم، آصف اقبال اور نیشنل آفس سکریٹری فوزیہ خان نے خطاب کیا۔ تعزیتی اجلاس میں مرحوم کی روح کو دلی خراج عقیدت پیش کیا گیا۔

شاہ سائیں برادری کو تمام پارٹیوں نے نظر انداز کیا : شاہ اسیر الدین

 

رہتاس ( نمائندہ ) ضلع رہتاس کے موضوع سریامیں جنا ب طارق انور کے دولت کدے پر آل انڈیا شاہ سائیں کمیٹی کے قومی صدر جناب اسیر الدین شاہ نے ایک پریس کانفرنس کو خطاب کرتے ہوئے کہاکہ سائیں براداری جس نے ملک کو آزاد کرانے کیلئے اپنا پہلا خون دیا اس برادری کوسیاسی سطح پر نظر انداز کر دیا گیاہے ۔ 

انہوں نے کہاکہ اس برادری کو جان بوجھ کر نظر انداز کیا گیا ہے اور اس کے لئے نہ صرف بہار کی سیاسی پارٹیاں ذمہ دار ہیںبلکہ ملک بڑی سیاسی پارٹیوں نے بھی اس برادری پر کبھی توجہ نہیں دی جس کا نتیجہ ہیکہ آج سائیں برادری سیاسی ، سماجی ، تعلیمی اور اقتصادی طور پوری طرح پسماندہ رہ گئی ہے ۔ انہوں نے کہاکہ اگر ریاستی او رملکی سطح کی پارٹیوں نے ہمیںاسی طرح نظر انداز رکھا تو مجبوراً ہمیں بھی ایسی پارٹیوں کا ساتھ چھوڑنے کیلئے مجبور ہونا پڑے گا۔ ہم اس پارٹی کا ساتھ دیںگے جو ہمارے مسائل کا حل نکالے گا۔ 

انہوں نے اس بات پر افسوس ظاہر کی کہ ریاست بہار میں کم وبیش 35 لاکھ شاہ سائیں برداری کی آبادی ہے جو کسی بھی حکومت کو اقتدار میں لانے یا کرسی سے اتارنے میں نمایاں رول ادا کرسکتی ہے لیکن کسی حکومت نے ان کے بارے میں کبھی نہیں سوچا ۔ نہ لالو پرساد یادو نے کوئی کام کیا نہ موجودہ وزیراعلیٰ نتیش کمار نے اب تک ان کی ترقی یا فلاح کیلئے کام کیا۔ نہ ہمارا کوئی ایک ایم ایل ہے یا کوئی ایم پی ہے ۔ نہ ہی ہمیں سیاست میں کوئی جگہ دی جاتی ہے ۔ یہ بات ہمارے لئے بھی شرم کی بات ہے اور ہماری حکومت کیلئے بھی شرمندگی کا باعث ہوناچاہئے کہ آج بھی ہماری برادری کو بھیگ ماگنے والا کہہ کر پکاراجا تا ہے ۔ 

اسیر الدین شاہ نے کہاکہ ہم بھی چاہتے ہیں کہ ہماری ریاست اور ہمارا ملک ترقی کرے ۔ دنیا میں ہماری ایک منفرد پہچان ہو لیکن سماج کے کسی طبقہ کو نظر انداز کر کے یا اسے دبا کچلا چھوڑ کر ترقی کے خواب نہیں دیکھے جاسکتے ہیں۔ 

آل انڈیا شاہ سائیں کمیٹی کے قومی صدر اسیر الدین شاہ نے بتایاکہ اس سلسلے میں آئندہ 11 اکتوبر 2022 کو پٹنہ کے رویندر بھون میں ایک عظیم الشان کانفرنس کا انعقاد کیا گیاہے جس میں سائیں برادری کے تمام معاملات پر گفت وشنید ہوگی اورآئندہ کے لئے لائحہ عمل تیار کیاجائے گا۔ یہاں سے سائیں بیداری مہم کا بھی آغاز کیاجائے گا۔ 

واضح رہیکہ کانفرنس کے انعقاد سے پہلے اسیر الدین شاہ بہار کے مختلف علاقوں کا دورہ کر کے برادری کے لوگوں کو بیدار کرنے کی مہم بھی چلا رہے ہیں اسی مہم میں وہ سریا قصبہ پہنچے اور قصبہ کے سائیں برادری کے لوگوں کے ساتھ میٹنگ کی ۔ جناب طاق انور کے گھر پر ہوئی اس میٹنگ میں جن لوگوں نے شرکت کی اس میں جناب زاہد حسین ، معین الدین شاہ عرف کلو ، جناب اسلم اختر، جناب شفیع احمد سلیمانی ، جناب سجاد حسین عرف گورکھ اور جناب ظفر احمد کے نام قابل ذکر ہیں۔ 

آر کے کالج مدھوبنی میں مولانا آزاد نیشنل اردو یونی ورسٹی کا' لرنر سپورٹ سینٹر' قائم

 

 اردو زبان میں اعلی تعلیم حاصل کرنے کا سنہرا موقع

مدھوبنی (نمائندہ) آرکے کالج مدھوبنی میں مانو کا لرنر سپورٹ سینٹر (طلبہ حمایتی مرکز) قائم ہوگیا ہے، گذشتہ دنوں مانو دربھنگہ ریجنل سینٹر کےچار ممبران نے کالج کا دورہ کیا تھا اور اس سینٹر کے قیام کو

منظوری عطا کی، اس خبر سے ان غریب اور مالی اعتبار سے کمزورطلبہ اور طالبات میں خوشی کی لہر دوڑ گئی ہے جو اردو زبان میں اعلی تعلیم حاصل کرنے کے خواہاں ہیں، اس سینٹر کے قیام سے طلبہ کو بڑی سہولت حاصل ہوگی، کیوں کہ مدھوبنی ضلع میں مانو کا کوئی لرنر سپورٹ سینٹر موجود نہیں تھا، اس موقع پر ڈائریکٹر ریجنل آفیسر دربھنگہ ڈاکٹر ارشد اقبال نے کہا کہ اس علاقے کے غریب اور پسماندہ طلبہ بہت ہی کم فیس میں 39 کورسز میں داخلہ لے کر اپنا مستقبل تابناک بنا سکتے ہیں، اس سینٹر کے قیام میں کالج کے پرنسپل پروفیسر پھولو پاسوان اور شعبہ اردو کے اساتذہ ڈاکٹر خالد انجم عثمانی اور مرغوب عالم پیش پیش رہے، انھی کی شبانہ روز جدو جہد کے نتیجے میں یہ سینٹر کالج میں قائم ہوسکا ہے، اس موقع پر کالج کے پرنسپل ڈاکٹر پھولو پاسوان اور اس سینٹر کے کو آرڈینیٹر محمد مرغوب عالم، ڈاکٹر جاوید احمد پرنسپل مانو ٹریننگ کالج دربھنگہ، ڈاکٹر عبد الوہاب اور سینٹر کے اسٹاف عمر خیام اور کالج کے اساتذہ اور سبھی اسٹاف موجود تھے -

ناخواندہ بالغوں کو خواندہ بنانے کے عزم کے ساتھ پاسوااور روٹری انڈیا لٹریسی مشن کا دوروزہ ورکشاپ اختتام پذیر: شمائل احمد

پٹنہ ( نمائندہ )پرائیویٹ اسکولس اینڈ چلڈرن ویلفیئر ایسوسی ایشن پاسوا اور روٹری انڈیا لٹریسی مشن کا دو روزہ ورکشاپ آج کولکتہ میں ناخواندہ بالغوں کو خواندہ بنانے کے عزم کے ساتھ اختتام پذیر ہوا۔ حکومتی اعداد و شمار کے مطابق ملک میں اب بھی 18.15 کروڑ ان پڑھ بالغ ہیں، جنہیں پاسوا نے تعلیم دے کر ملک کو مکمل طور پر خواندہ بنانے کی ذمہ داری لی ہے۔

آج دوسری دن ”ایچ ون ٹیچ ون" ورکشاپ کا افتتاح پاسوا کے قومی صدر سید شمائل احمد، روٹری انڈیا لٹریسی مشن 2021-22 کے عالمی صدر شیکھر مہتا، راجستھان یونیورسٹی کے وائس چانسلر اور پاسوا کے 17 ریاستی صدور کی موجودگی میں آج صبح 9.30 بجے شمع روشن ورکشاپ کا افتتاح کیا گیا۔

 ورلڈ روٹری کے صدر شیکھر مہتا نے اپنے خطاب میں کہا کہ پاسوا نے آج 2 روزہ ورکشاپ میں جن مقاصد کے لیے ملک کو مکمل طور پر خواندہ بنانے کا یقین دلایا ہے، یقیناً یہ دنیا کی پہلی تنظیم ہوگی جو اس طرح کے کام کومکمل کرنے جا رہی ہے۔ انہوں نے کہا کہ 17 ریاستوں کے بعد باقی ریاستوں میں بھی ورکشاپس کا انعقاد کرکے خواندگی مشن کے کام میں لگائیں جائیںگے۔ انہوں نے کہا کہ آزادی کے بعد کئی حکومتوں کا مقصد ملک کو مکمل تعلیم دینا تھا لیکن یہ مشن آج تک مکمل نہیں ہوسکا، انہوں نے امید ظاہر کی کہ پاسوا یہ کام ضرور کرے گا اور پوری دنیا میں ملک کا نام روشن ہوگا۔ 

پاسوا کے قومی صدر سید شمائل احمد نے اپنے خطاب میں کہا کہ پاسوا نے روٹری انڈیا لٹریسی مشن کے ساتھ مل کر ملک کو مکمل طور پر خواندہ بنانے کے لیے اپنی صلاحیتوں کے تحت 2 لاکھ پرائیویٹ اسکولوں، کروڑوں طلبہ، اساتذہ اور اسوسی ایشن سے وابستہ ریاستی صدوراور ضلعی صدور کی مدد سے 2027 تک ناخواندہ بالغوں کو خواندہ بنائیں گے۔